Ditet e veshtira ne "Akademine e Yjeve"
E Premte, 30 Maj 2008
Kantautori Piro Cako, i cili komentoi performancat e nxenesve gjate spektaklit
Kur kane mbetur vetem pak jave nga finalja e madhe e spektaklit "Akademia e Yjeve", nxenesit rrefejne ate cka pak duket ne ekran. Jane momentet e tyre me te veshtira gjate diteve te shumta ne akademi, ku eshte jo vetem "presioni" i pedagogeve per t'u shfaqur sa me denjesisht ne skene, por edhe publiku qe jep verdiktin me voten e tij. Jane fare te rinj dhe iu duhet te perballen me skenen dhe ekranin cdo jave, per te treguar talentin e tyre. Shume mund dhe pune, duke kapercyer jo pak veshtiresi gjate javeve e muajve, te gjithe me qellimin e madh per te mberritur drejt majes.
Dhoma e rrefimit eshte vendi ku secili prej tyre ka treguar veshtiresite e medha, situatat me te veshtira te perjetuara gjate "Akademise se Yjeve". Shume prej zhgenjimeve te tyre lidhen me performancat aspak "te denja" ne skene, pasi kane zhgenjyer paksa pedagoget e tyre qe, pergjate gjithe javes, punojne per ore te tera qe spektakli te jete i arrire. Anxhi ka rrefyer: "Jam ndjere shume keq ne performancen time ne javen e dyte te spektaklit. Pedagoget mbeten shume te zhgenjyer nga performanca ime e asaj nate dhe opinionet e tyre ishin vertet godites per mua. Diten tjeter mendova te largohesha nga akademia, por jam ketu me deshiren e plote per te ecur perpara, sepse nje veshtiresi nuk mund te te hedhe poshte nje pasion". Ka edhe prej atyre qe Akademia i ka "detyruar" te shnderrohen e te behen te tjere njerez. Suzana, nje prej nxeneseve te baletit ne akademi, nuk e ka aspak te veshtire te gjeje momentin e saj me te sikletshem ne akademi. "Momenti me i veshtire ne "Akademine e Yjeve" ka qene pershtatja me nje koreografi te disiplines klasike. Koreografia ka qene me skena sensuale, shume normale, por per mua qe nuk kam pasur kurre me pare eksperienca koreografike te mirefillta, mentaliteti im e ka pak te veshtire ta pranoje". Kjo nuk ka qene e gjitha, pasi ate nate ne spektakel kane qene prezent ne salle edhe prinderit e Suzit. "Ishte akoma me e veshtire, vijon ajo rrefimin, qe te dilja perpara tyre me nje koreografi te tille. Mirepo, dola ne sfide, interpretova, hodha poshte mentalitetin tim dhe te prinderve te mi dhe dola shume mire. Per kete jam shume e lumtur dhe ky eshte nje leksion shume i mire qe me ka dhene "Akademia e Yjeve". Shume prej tyre ndjehen keq per ato cka u duhet te perballojne jashte skenes, pasi nje pjese kane "nje mal me probleme", shpesh edhe jetike. Ndersa Arberesha eshte njera prej kengetareve te "Akademise se Yjeve" qe momentin e saj me te veshtire e ka pasur gjate spektaklit. Ajo rrefen se "javen e gjashte te spektaklit, konkurrova perballe Nidores me kengen "Underneath your clothes". Ne nje moment te kenges kur duhet te merrja fryme, u mbusha mire me tymin e skenes dhe ne vend qe te nxirrja noten dhe frymen qe i nevojitej frazes, nxora tym. E kam marre shume inat ate tym qe nuk me la te beja maksimumin tim ne ate nate te spektaklit".
Uendi: Akademine s'e le per asgje ne bote
Eshte nje prej atyre sfidanteve te "Akademise se Yjeve" qe pranine ne akademi e ka te shenjte. "Per asnje arsye nuk do ta lija "Akademine e Yjeve", qofte dhe per time me"-thote Uendi. Kjo pasi u kthye pas, per te sjelle ne vemendje nje prej momenteve te saj kritike ne spektakel. "Isha shume e sigurt ne veten time qe do te fitoja sfiden me Syarten, por votat e publikut deshmuan te kunderten. Mami im ishte ajo qe u merzit shume nga humbja e sfides dhe me tha qe do ta lija "Akademine e Yjeve" menjehere". Te nesermen vesha serish uniformen e Akademise dhe sot jam ketu".
Kristi: Jam ketu per nenen time
Kristi, nje prej nxenesve te "Akademise se Yjeve", disa puntata shkuar ka rrefyer detaje te jetes se tij pertej akademise. Ai tregon se, "nje nder arsyet qe jam ne "Akademine e Yjeve" eshte se nena ime ka pasur shume deshire te jem ketu. Ajo humbi jeten nje vit me pare dhe nuk pati mundesi te me shihte, tek une plotesoja pasionin tim dhe deshiren e saj. Kjo me beri qe te krijohej nje boshllek shume i madh brenda meje. Kjo ka bere fillimet e mia per pergatitjen ne "Akademine e Yjeve" te jene shume te veshtira".
Ana: Pas debateve me Gerdin, jam ndjere keq
Ana eshte nxenesja e baletit ne Akademi, e cila si momentet e saj me te veshtira cileson perballjet me Gerdin, pedagogun e dansit. "Shume here gjate provave, rrefen Ana, ai me ka thene disa epitete dhe shprehje qe jane shume per te qeshur, por qe mua me kane bere te ndjehem edhe keq. (Qesh). Shprehjet jane: "Je zero me xhufke", "je tru peshk", "te ka lene rastesisht autobusi unazes ketu". Keto mund te duken shume per te qeshur, por mua me kane bere te ndjehem keq shpeshhere".
Te ftuarit e spektaklit
Cdo puntate ka nje apo me shume te ftuar. Jane njerez te artit, qe japin mendimin e tyre per keta artiste te rinj, qe hapat e pare te karrieres se tyre po i hedhin ne kete skene, ku vazhdimisht zbulohen talente te rinj.
I ftuari i mbremjes se shkuar ishte kantautori Piro Cako, i cili dha edhe mendimin e tij per performancat ne sfidat e kenges. Cako sapo ka hapur ne Tirane nje studio muzikore, dhe sigurisht qe eshte edhe pakez ne kerkim te talenteve te rinj.
