Bush, gabim te rende me luften ne Irak"
E Premte, 30 Maj 2008
Nje liber i ri, i shkruar nga ish-zedhenesi i Shtepise se Bardhe, Skot Meklelan, ka ngjallur polemika te shumta ne Uashington. Ne liber thuhet se vendimi i Presidentit Bush per te nderhyre ushtarakisht ne Irak, 5 vjet me pare, ishte gabim i rende strategjik. Administrata e Presidentit Bush u eshte kunderpergjigjur ketyre akuzave dhe Presidenti i doli ne mbrojtje vendimit te tij per te nderhyre ne Irak.
Skot Meklelan ka punuar 7 vjet per Bush, fillimisht kur ai ishte guvernator i Teksasit dhe me pas kur u zgjodh President, kur per tre vjet Meklelan mori detyren e zedhenesit kryesor te Shtepise se Bardhe. Per kete arsye, libri me tone thellesisht kritike ndaj Presidentit, ku Xhorxh Bush cilesohet si nje udheheqes qe ka humbur lidhjet me realitetin dhe nuk pranon gabimet, ka zgjuar nje reagim te ashper nga perkrahesit e Presidentit Bush. Autori evidenton se "Bush kishte dhene garanci te plota se perdorimi i forces do te mbetej e vetmja alternative funksionale ne Irak duke u mbeshtetur ne nje fushate agresive propagandistike, ne vend te se vertetes, per te justifikuar nje lufte e cila gabim i rende".
Libri i ish-zedhenesit Skot Meklelan, me titull "What Happened: Inside the White House and Washington's Culture of Deception" ("Cfare ndodhi: Brenda Shtepise se Bardhe dhe Tradites se Mashtrimit ne Uashington"), pritet te dale per shitje me 1 qershor.
