Amnisty International: UNMIK ka deshtuar
E Enjte, 29 Maj 2008
PRISHTINE - Organizata boterore per te drejtat e njeriut "Amnesty International", ne raportin e publikuar, terheq verejtjen kryesisht per deshtimet ne sistemin e drejtesise ne Kosove dhe per mungesen e zbatimit te ligjeve ne fuqi per mbrojtjen e te drejtave te njeriut. Ne raportin e publikuar, organizata vlereson se UNMIK-u ka deshtuar ne zbatimin e masave per te siguruar kompensim per ato viktima, te drejtat e te cilave shkelen nga pjesetare te komunitetit nderkombetar. Ne kete kuader, kjo organizate i ka kushtuar nje vemendje te posacme protestes se Levizjes “Vetevendosje”, me 10 shkurt te vitit te kaluar, gjate se ciles u vrane dy protestues, Mon Balaj dhe Arben Xheladini, dhe u lenduan dhjetera te tjere. Duke e cilesuar vrasjen e tyre si te paligjshme, organizata rikujton hetimet e departamentit te drejtesise se administrates nderkombetare, te cilat konkluduan se vrasjet jane shkaktuar nga anetaret e njesive rumune te forcave speciale, gjate nje proteste paqesore. "Ne muajin mars, autoritetet rumune terhoqen nga Kosova 11 pjesetare te policise, per te cilet besohet se kane informacione thelbesore ne lidhje me hetimet", thuhet ne raport. Sakaq, numri i rasteve qe ende nuk jane denuar deri me tash e qe kane te bejne me zhdukjen e dhunshme dhe rrembimet, "Amnesty International" vlereson se ka arritur ne tremije.
AI ndalet dhe te “Vetevendosja”
"Amnesty International" ka ngritur shqetesimet e veta edhe mbi ndershmerine ne procesin gjyqesor qe eshte zhvilluar kunder udheheqesit te Levizjes “Vetevendosje”, Albin Kurti. Organizata ka nenvizuar ne raport se prokuroria ishte e politizuar dhe se procedurat qe jane zhvilluar perpara nje paneli nderkombetar te gjykatesve, kishin mungese te pavaresise gjyqesore.
