"Kosova ende vuan nga tensionet nderetnike"
E Merkure, 28 Maj 2008
Komisioneri i larte i OSBE-se, per pakicat kombetare, Knut Vollebek, deklaroi dje se Kosova gjendet ne udhekryq te ndryshimit dhe permiresimit te marredhenieve nderetnike. Ai tha se, per popullaten shumice, zhvillimet e fundit sic eshte pavaresia, kane nje lloj permbushje te qellimit, arritje per shtimin e sigurise dhe per nje te ardhme me te ndritshme per ta. Por, per komunitetet tjera, situata e re i rrit dyshimet dhe shqetesimet per te ardhmen e tyre ne Kosove. Sipas tij, keto shqetesime nuk mund te tejkalohen lehte duke i injoruar ato, sepse kjo vetem do ta veshtiresonte gjendjen dhe do t'i rriste tensionet qe per rrjedhoje mund te kaloje ne dhune. "Nuk mund te mohohet fakti qe Kosova ende vuan nga tensionet nderetnike. Ka mosbesim ndermjet grupeve te ndryshme etnike dhe mungese te gatishmerise per te tejkaluar keto ndarje etnike dhe per te gjetur pika te perbashketa". Vollebek tha se "keto gjera mund te tejkalohen vetem permes dialogut dhe komunikimit dhe per kete duhet guxim e trimeri". Kryeministri Hashim Thaci, nga ana e tij, tha se drejtesia kosovare po kalon ne fazen e tranzicionit dhe ne kete linje ka shume per t'u bere deri tek instalimi i nje sistemi drejtesie te standardeve nderkombetare. Ai tha se ne Kosove nuk duhet te kete drejtesi selektive sepse kjo vetem ushqen padrejtesi.
Pse kritikohet drejtesia
Sistemi i drejtesise ne Kosove eshte kritikuar disa here nga organizata te ndryshme nderkombetare, madje eshte cilesuar edhe si nje sistem i deshtuar. Autoritetet e Kosoves fajin e hedhin te mungesa e kompetencave. Ndersa prania nderkombetare "kapet" te situata shume e paqendrueshme qe ka mbizoteruar ne Kosoven e pasluftes. Sidoqofte, sistemi i drejtesise ne Kosove akoma udhehiqet nga UNMIK-u. Kete obligim pas dates 15 qershor duhet ta marre persiper misioni i BE-se EULEX, sepse kjo parashihet ne planin e Marti Ahtisarit. Por vonesat qe pritet te ndodhin ne vendosjen e misionit te BE-se ne Kosove, sipas analisteve do ta demtoje edhe me shume sistemin e drejtesise. Kjo, per faktin e thjeshte qe akoma nuk ka nje adrese te sakte se ku te kerkohet pergjegjesia per deshtimet eventuale ne sistemin e drejtesise.
