Projektligji i ri per buxhetin mberrin ne komisionet kuvendore
E Merkure, 28 Maj 2008
Maratona gati 6-vjecare per hartimin e nje ligji te ri, mbi te cilin do te mund te hartohet buxheti i shtetit ka marre fund. Projektligji, qe ka marre pak kohe me pare miratimin e qeverise, tani po diskutohet ne komisionet parlamentare. Sipas drejtores se Planifikimit Buxhetor ne Ministrine e Financave, Mimoza Dhembi, domosdoshmeria e hartimit te nje ligji te ri organik te buxhetit, lindi nga nevoja per permiresimin e procesit te menaxhimit te shpenzimeve publike, permes mbeshtetjes buxhetore, ne baze te programeve e performances dhe per perafrimin e legjislacionit me 'acquis comunautaire' e me kodin per transparencen fiskale te Fondit Monetar Nderkombetar. "Hartimi i ketij projektligji synon ngritjen e nje themeli procedural per nje lidhje me te mire te buxhetit me politikat, permes institucionalizimit te programit buxhetor afatmesem, si dhe ndarjen e qarte te pergjegjesive dhe llogaridhenies se aktoreve pjesemarres ne procesin e menaxhimit te shpenzimeve publike", u shpreh drejtorja e Planifikimit Buxhetor, Dhembi. Shperndarja e investimeve do te behet jo sipas dikastereve, por sipas projekteve. Permiresimet ne ligjin organik te buxhetit te shtetit synojne me teper transparence ne shpenzimet me fondet publike per te luftuar korrupsionin dhe rritjen e eficiences se perdorimit te ketyre fondeve. Me keto ndryshime, financat detyrohen te raportojne se paku dy here ne vit ne lidhje me ecurine e shpenzimeve publike.
