Rindertimi i Gerdecit, 8 milione euro

Blerina Hoxha

Rindertimi i rrugeve, rrjetit te ujesjellesit dhe telefonise e internetit do te kete nje fature prej 8 milione eurosh. Shifra eshte bere e ditur nga zv/ministri i Transportit dhe Telekomunikacionit, Stavri Ristani, gjate takimit te zhvilluar dje ne Tirane, per prezantimin e prioriteteve ne rindertimin e Gerdecit. Ministria e Puneve Publike, Transportit dhe Telekomunikacionit, ne strategjine per rindertimin e infrastruktures ne zonen e Gerdecit, ka parashikuar projekte ne sektorin e infrastruktures, menaxhimit te mbetjeve te ngurta, ujesjelles kanalizime dhe poste telekomunikacion, me nje vlere te pergjithshme prej 8143000 euro. Ristani u shpreh se infrastruktura rrugore ne zonen e Gerdecit parashikon rikonstruksionin e rrugeve kryesore bashke me rruget e brendshme, te fshatit Marqinet 1 dhe 2, fshati Gerdec etj. Nderkohe qe po punohet te vendosen ne gjendje sigurie, mbetjet ndertimore te shkaktuara nga shperthimi ne Gerdec, si dhe te rikonstruktohet rrjeti i ujesjelles-kanalizimeve te demtuar ne kete zone. Sipas tij, nje nder projektet e reja qe parashikojme te zbatojme ne Gerdec eshte dhe ngritja e nje qendre postare se bashku me internetin, si dhe ngritja e sistemit te telekomunikacioneve me nje vlere prej 200000 euro. Angazhimi i fondeve financiare ne kohe sa me te shkurter dhe ne projektet tashme te identifikuara ne rindertimin e zones se Gerdecit pas tragjedise se 15 marsit, ka qene nje kerkese qe qeveria shqiptare ka artikuluar per perfaqesuesit ekonomike te ambasadave te huaja dhe institucioneve financiare nderkombetare ne Tirane. Tashme ka nje grup nderinstitucional per koordinimin e donatoreve dhe projekteve per Gerdecin, pjesemarres te te cilit jane zevendesministrat e disa dikastereve qendrore, te cilet jane angazhuar te shqyrtojne me detaje rreth rindertimit te zones. Perfaqesuesit e qeverise kane prezantuar per donatoret mekanizma konkrete per orientimin e financimeve, pasi, nese levrimi nuk do te jete i shpejte, qeveria do te detyrohet te angazhoje fonde te tjera shtese. Donatoret e kane mirekuptuar kerkesen e qeverise dhe kane kerkuar qendrueshmeri dhe monitorim te vazhdueshem te projekteve e financimeve. Nderkohe, rruga qe lidh fshatin Gerdec me pjesen tjeter te fshatrave dhe zones, eshte duke u rindertuar nga e para. E gjate me shume se 1 kilometer, por e demtuar shume rende nga shperthimi i fabrikes se cmontimit te municioneve, eshte bere funksionale pasi eshte rindertuar nga forcat e ushtrise. Ajo tani eshte e kalueshme si per banoret, ashtu edhe per makinat. Kjo gje eshte bere e ditur nga shtabi i ushtrise, sipas te cilit per ndertimin e saj jane perdorur mjetet e ushtrise, te cilat kane zhvendosur mbi 1310 meter kub cakull dhe dhera te tjera. Nderkohe qe eshte ne fund dhe rindertimi i te gjitha rrugeve ne kete fshat, per t’i bere ato te kalueshme. Pjesa e fundit eshte me gjatesi prej 500 metrash. Kane qene forcat e ushtrise qe kane dhene ndihmen e tyre ne rindertimin e rrjetit te infrastruktures rrugore te ketij fshati per te bere ate perdorshme per momentin.