Lala: Rinovimi? Han njesoj si Baric

Altin Lala, kapiteni kuqezi, eshte pa dyshim njeriu me i pershtatshem qe te jape vleresimet e para per trajnerin Ari Han. Ndonese kane kaluar pak dite se bashku, "Zoteria 100%" eshte i gatshem te tregoje ndjesite e para. "Trajneri Han eshte nje person me vullnet dhe duket se ka deshire per te bere dicka te mire me Kombetaren. Natyrisht, kete do ta tregoje faza e kualifikimeve, sepse ai ka pak dite ne krye te kuqezinjve dhe miqesorja me Polonine eshte ndeshja e tij e pare", tregon kapiteni kuqezi. Me pas, fillojne krahasimet me ish-trajnerin Oto Baric. Kroati, ndonese 75-vjecar, ishte nje dore e forte ne formacionin kuqezi, por, sipas Lales, edhe Han nuk duket me pak, pavaresisht se idete e tij jane me shume per lojen sulmuese. "Sic e thashe edhe me lart, eshte ende heret, por besoj se Han do te jete ne gjendje te vazhdoje rinovimin e nisur nga Oto Baric. Skuadra kuqezi ka shume nevoje per kete rinovim, ndaj duhet bere patjeter", komenton Altin Lala pyetjen e bere. Me pas, bisedat e lene vendin ndeshjes. Polonia ka nje skuader te forte dhe kuqezinjte do ta kene te veshtire perballe saj, por per Lalen rezultati eshte i dores se dyte ne nje ndeshje te tille. Ne kete takim ka me shume rendesi te shikohet sjellja e grupit me skemat e reja sesa rezultati, pavaresisht se deshira nuk mungon. "Miqesorja me Polonine eshte nje ndeshje luksi per ne. Ata po pergatiten per kampionatin evropian, ndersa ne do te kerkojme te veme ne zbatim skemat qe do te na kerkojne trajneri Ari Han. Nese do te merrnim nje rezultat te mire do te ishte dicka pozitive per ne, por sidoqofte, nuk duhet ta harrojme se kjo eshte miqesorja e pare kunder nje perfaqesueseje qe kur trajneri Han ka marre persiper te drejtoje skuadren tone kombetare", deklaron kapiteni shtatshkurter i kuqezinjve. Miqesorja kunder Polonise do te luhet sot ne mbremje ne oren 20:30 dhe interesi per te eshte i madh. Han do te kete ne dispozicion te gjithe lojtaret kuqezi dhe nuk do te vuaje mungesen e askujt. Sikunder eshte deklaruar dhe me pare, pritet nje skuader ofensive, pasi trajneri Han eshte nje admirues i lojes se shpejte.

1 Miqesore ka zhvilluar skuadra kuqezi ne qendrimin e saj dhjeteditor ne Reutlingen te Gjermanise. Perfaqesuesja jone eshte ndeshur me skuadren e kategorise se dyte zvicerane, Shafhauzen, duke fituar me rezultatin 3-1. Golat u shenuan nga Kapllani, Salihi e Bogdani.

2 Sulmues do te kete formacioni kuqezi ne miqesoren kunder Polonise. Ata pritet te jene Hamdi Salihi dhe Erjon Bogdani. Shkodrani ka ulur ne stol Kapllanin dhe duket se e ka bindur plotesisht trajnerin Han. Te dy keta lojtare shenuan ne takimin kunder Shafhauzenit.

Hidi dhe Lila nga minuta e pare?

Duket si e pabesueshme, por ja qe deklaratat e para te ardhura nga kampingu kuqezi ne Reutlingen tregojne se Ari Han ka ndermend t'i besoje fanellen e titullarit portierit Isli Hidi dhe jo veteranit Arjan Beqaj. Gjithashtu, titullar do te jete edhe Hamdi Salihi. Formacioni do te jete 4-4-2 klasik, ku tjeter ndryshim thelbesor do te jete aktivizimi i Andi Liles perkrah Debatik Currit ne qender te mbrojtjes. Ne mesfushe, Duro dhe Skela do te jene respektivisht anesoret e djathte dhe te majte, ndersa Cana e Lala muri shkaterrues. Ja dhe formacioni i mundshem per anti-Polonine:

Portier - Isli Hidi

Mbrojtes - Armend Dallku, Andi Lila, Debatik Curri, Kristi Vangjeli

Mesfushore - Klodian Duro, Altin Lala, Lorik Cana, Ervin Skela

Sulmues - Hamdi Salihi, Erjon Bogdani