Tirane, spekulohet me cmimin e naftes

Blerina Hoxha

Vetem pak kilometra nga Tirane nafta ne pikat e pakices kushton me 150 leke per liter, plot 10 leke me pak se, ne Tirane. Kete ndryshim te cmimit qe nuk ndikohet nga tregjet nderkombetare, tregtaret ne pikat e pakices e shpjegojne me faktin se, ne Tirane ka me shume kerkese per nafte, se pergjate rrugeve nacionale dhe ne rrethe. Mirepo ndryshimi i cmimit nga Tirana ne rrethe nuk eshte modest, por tregon per nje deformim dhe spekulim te tregut me cmimin e naftes edhe brenda per brenda vendit. Madje nga e njejta kompani cmimi nga Tirana ne rrethe ndryshon dhe kjo gjithmone per faktin se, ne Tirane numri i automjeteve eshte me i madh. Cmimi i larte i naftes dhe ndryshimi i cmimit ne Tirane dhe jashte saj konsiderohen nga tregtaret e naftes pasoje e infrastruktures se dobet qe kane importuesit dhe pamjaftueshmerise se rezervave per ti perballuar ndryshimeve te cmimeve ne tregun nderkombetar dhe kerkeses se tregut te brendshem. Por ne fakt situata nuk eshte kaq shume problematike. Aktualisht jane te licencuar me shume se 20 kompani qe kane te drejten dhe mundesite tekniko-financiare per te importuar nafte, nderkohe qe kapacitet rezervuese jane rritur nga dita ne dite dhe nga ana tjeter jane te licencuar dhjetera tregtare me pakice. Por sipas vrojtimeve qe kane bere ekspertet e ministrise se Financave dhe Autoriteti i konkurrences, grosistet kane bere marreveshje per cmimet, te cilat nuk kane logjike me tregun nderkombetar. Argumenti qe kane dhene tregtaret per rritjen e cmimit te naftes rezulton te jete nje spekulim i paster per shkak se, tregu vendas nuk i ka ulur cmimet edhe kur kjo ka ndodhur ne tregun nderkombetar. Por mekanizmat e nderhyrjes ne treg per stabilizimin e cmimit nuk jane duke funksionuar. Per shkak te kesaj situate importi dhe tregtia e naftes llogariten si biznesi me fitimprures. Me kalimin e ndermarrjes publike te naftes, ARMO ne pronesi private dhe ndertimin e depozitave te medha te naftes ne Vlore dhe Porto Romano pritet qe situata te ndryshoje. Nafta e vendit me kapacitetet aktuale ze 25 per qind te tregut vendas. Por me permiresimet teknologjike qe do te bejne investitoret pritet qe ARMO te behet nje lojtar vendimtar ne treg.