Si deshtuan negociatat, Mbikeqyrje BKT

Ne vendimet e Keshillit te Ministrave, date 5 shtator 2007, per shperndarjen me koeficient te vlerave financiare te shoqerive huamarrese "Nahlel", "Beno" dhe "Gjallica, Grupi i Mbikeqyrjes hartoi nje projekt-marreveshje, e cila do te lidhej me Drejtorine e Pergjithshme te Bankes Kombetare Tregtare, ku ishin percaktuar rregulla te hollesishme, per menyren, kohen, radhen e shlyerjes se kreditoreve, levizjen e fondeve financiare per likuidim, si dhe normat e interesit qe do te aplikoheshin ne favor te shoqerive huamarresve per fondet e depozituara ne banke. Mirepo, ne takimet qe kane zgjatur tre muaj rresht, Grupi i Mbikeqyrjes dhe Banka Kombetare Tregtare nuk kane rene dakord per levizjen e fondeve financiare sipas vleres se likuiduar, si dhe per interesat qe ofronte BKT per fondet e depozituara. Kjo banke, duke qene se ne vendimet e meparshme te Keshillit te Ministrave kishte ekskluzivin, vuri kusht qe te gjitha fondet te kalojne ne llogari rrjedhese me nje perqindje interesi nga 0.5 per qind ne 1.2 per qind. Po keshtu edhe komisioni bankar per sherbimin e kryerjes se pageses kerkonte qe te ishte 100 leke per kreditor. Edhe per shoqerite e tjera si "Kamberi", "Silva", "Cenaj & Co" etj., shperndarja e vlera eshte kryer nga BKT dhe perqindja e aplikuar per fondet llogari rrjedhese eshte 0.5 per qind ne vit dhe per ato depozite, per monedhen leke eshte 4.7 per qind, dhe per dollarin 3.6 per qind. Ne keto kushte, Grupi i Mbikeqyrjes nga testimet qe ka bere ne bankat e tjera te nivelit te dyte ka rezultuar se normat e interesit qe aplikohen per depozitat ne leke per nje vit variojne nga 5.1 per qind ne 7.3 per qind, ndersa komisioni bankar per sherbimin e kryerjes se pageses ne sportel per nje kreditor nuk eshte me shume se 50 leke. Nisur nga situata e krijuar, Mbikeqyrja e Fajdeve i ka kerkuar qeverise qe t'i heqe ekskluzivin Bankes Kombetare Tregtare per shperndarjen e parave ndaj kreditoreve te firmave rentiere. Perpjekjet e Mbikeqyrjes se fajdeve per te zhbllokuar procesin kane filluar qe ne shtator te vitit te kaluar kur qeveria miratoi koeficientin per shperndarjen e parave ndaj kreditoreve te "Gjallices".

Parate e fajdeve, jo me nga BKT

Parate ndaj kreditoreve te firmave rentiere "Gjallica" "Nahlel", "Beno" nuk do te shperndahen nga sportelet e Bankes Kombetare Tregtare. Banka qe do te shperndaje parate eshte ajo qe ofron interesat me te larta dhe kostot me te uleta. Banka do te perzgjidhet nga Grupi i Mbikeqyrjes.

Banka, shteti nuk ka me pronesi

Konkurrenca ne sektorin bankar eshte shtuar ndjeshem qe kur filloi shperndarja e parave per kreditoret e kompanive rentiere. Qe nga ajo kohe nuk ka me banka shteterore, dhe ne sistemin bankar ka 16 bankat te nivelit te dyte. Krijimi i ketij ambienti te krijon mundesi zgjedhjeje per sherbimet.

Vendimi, kursehen 61 milione leke

Me ndryshimin e propozuar nga Grupi i Mbikeqyrjes dhe qe eshte miratuar nga qeveria, buxhetit te shtetit i kursehen 6.6 milione leke vetem nga pagesa e komisionit bankar, duke pasur parasysh se jane 133 mije persona per likuidim. Gjithashtu nga perqindja e larte e interesit qe ofrojne bankat e tjera per fondet e depozituara nga shoqerite huamarrese, perfitimi do te jete 55 milione leke ne vit, i cili do te shkoje ne interes te kreditoreve. Ky projektvendim ka te beje me shperndarjen e parave te ndaj kreditoreve ne qytetet e medha te vendit si Tirane, Durres, Vlore, Fier, Sarande. Pjesa me e madhe e fondeve kane destinacion kreditoret e "Gjallices", nje nga kompanite me te medha rentiere.