Pensionet e pagat, rritja me 1 korrik

Pagat dhe pensionet do te rriten sipas parashikimit te qeverise. Kryeministri Berisha deklaroi diten e djeshme se duke nisur nga 1 korriku i ketij viti, qeveria do te rriste pagat e buxhetoreve, pensionet dhe ndihmen ekonomike per shtresen ne nevoje. Sipas kreut te ekzekutivit, kjo rritje do te behej ne fshat dhe ne qytet, per te kompensuar keshtu edhe rritjen e cmimeve. Ne mbledhjen e djeshme te qeverise, Berisha deklaroi se ky ishte nje vendim i prere dhe nuk do te kishte kthim prapa. "Pensionistet, shtresat ne nevoje ekonomike dhe buxhetoret, kudo ku jane, ne qytet dhe ne fshat, do te kompensohen nje per nje per rritjen e cmimeve. Ju siguroj se me 1 korrik, pagat dhe pensionet do te rriten dhe rritja do te jete e tera ne perputhje me rritjen e cmimeve qe prekin pagen e tyre", premtoi Berisha ne mbledhjen e djeshme te qeverise, duke theksuar se ky ishte nje premtim i qeverise qe ai drejtonte. Ky premtim eshte dhene nga Kryeministri pak muaj me pare ne nje konference per shtyp, kur ai u zotua se do te kompensonte buxhetoret, pensionistet dhe shtresat ne nevoje per te kompensuar edhe rritjen e cmimeve. Duke e cilesuar rritjen e cmimeve te produkteve kryesore si pasoje e nje rritjeje globale, pak muaj me pare Berisha u zotua se do te rriste pagat dhe pensionet, ne menyre qe kjo rritje e cmimit te produkteve jetesore te mos ndikonte ne ekonomine e qytetareve dhe kryesisht te atyre me te ardhura te pakta. Por dje, Berisha ne mbledhjen e qeverise u shfaq me i vendosur se kurre per kete premtim, duke theksuar se ishte e vendosur tashme se te ardhurat e shqiptareve nga pagat do te rriteshin ne korrik. Nisur nga kjo vendosmeri e shfaqur per rritjen e pagave te buxhetoreve dhe pensionisteve, kreu i qeverise kritikoi dje te gjitha ato media qe, sipas tij, me shpirtzise prej kohesh kane deklaruar se nuk do te rriten rrogat dhe pensionet e premtuara nga qeveria. "Ata qe thone se nuk do te rritet pensioni, ose i kane harruar gjyshet dhe gjysherit, ose lahen ne vaske floriri. Te dalesh me tituj se nuk do te rriten pensionet dhe nuk do te kompensohet rritja e cmimeve, duke huazuar fjalorin popullit mund te them se ky qendrim eshte nje hibrid i shpirtkazmerise dhe shpirtzise", deklaroi Berisha ne fjalen e tij, duke theksuar se mbi qytetaret po ushtrohej nje presion i perditshem mendor nga mediat. Sipas tij, media duhet te ishte e kujdesshme per te mos luajtur me psikologjine e pensionisteve dhe qytetareve te tjere buxhetore, sepse ne kete menyre ajo nuk permbushte edhe funksionin e saj. Ne fund te fjales se tij ne lidhje me kete ceshtje kryeministri Berisha nuk harroi te theksonte se qeveria qe ai drejtonte ishte edhe qeveria e premtimeve te mbajtura dhe se shpejti do ta bente realitet edhe rritjen e pagave dhe pensioneve. Pas rritjes se cmimit te bukes pak muaj me pare Kryeministri Berisha nuk ngurroi te premtonte ne nje konference per shtyp se qeveria do te rriste pagat e buxhetoreve, pensionet dhe ndihmen ekonomike. Ndonese Berisha e konsideroi rritjen e cmimeve te produkteve baze si pasoje e rritjes globale per cmimet perseri ai theksoi se qeveria do te merrte masat e duhura qe qytetaret te mos ta ndjenin kete rritje. Nderkohe qe me kete vendosmeri per rritjen e pagave dhe pensioneve, kreu i qeverise duket se ka dale dhe mbi gjykimin e FMN, e cila kerkoj qe te mos kishte rritje te tille, pasi mund te kishte dizbalancim ekonomik.

"Mediat, terror psikologjik mbi qytetaret"

"Prej 3 javesh bejne beteje per pensionet. Mund te sulmoni qeverine, pasi kjo eshte normale, por jo te vendosni ne terror psikologjik qytetaret. Eshte vetem fjale goje te thuash se nuk do te rriten pensionet, por mos harroni se ata jane mbi gjysme milion. Kjo beteje psikologjike demton shume edhe pushtetin e 4-t, sepse i humb autoritetin", tha Berisha.

FMN keshillon qeverine: Pagat nuk duhet te rriten

"Qeveria duhet te kompensoje shtresat ne nevoje, qe rrezikohen me se shumti nga rritja e cmimeve te ushqimeve, ndersa rritjet reale te rrogave ne sektorin publik duhet te kufizohen fort, per te shmangur nxitjen e nje spiraleje paga-inflacion", ka thene dite me pare gjate nje takimi me mediat, perfaqesuesi i Misionit te FMN ne Shqiperi, Geruin Bell. Ndersa ka konsideruar te drejte ndihmen ndaj te varferve per te kompensuar efektet e cmimeve te rritura te ushqimeve dhe te energjise. Fondi i ka kerkuar Bankes se Shqiperise se duhet te vazhdoje te jete gati per t'iu pergjigjur cdo efekti te raundit te dyte nga presionet globale te cmimeve, perfshire ketu edhe me rritje te metejshme te normave te interesit. Ky ka qene dhe qendrimi i FMN, ne fund te misionit te tij ne Shqiperi.

Bode kunder FMN: Do rrisim pagat e pensionet

Pagat per buxhetoret do te rriten me ritme shume me te larta se inflacioni, garantoi disa dite me pare ministri i Financave, Ridvan Bode, vetem nje dite pasi Fondi Monetar Nderkombetar kishte keshilluar qeverine qe te mos rriste pagat per administraten publike, per shkak se mund te beheshin nxitje per rritjen e metejshme te cmimeve. "Qeveria ka deklaruar se do te rrise pagat dhe pensionet e larta. Per kater vjet do te dyfishojme pensionet dhe pagat e uleta. Me 1 korrik do te kemi nje rritje pagash, qe do te jete shume me e larte se inflacioni", u shpreh ministri i Financave, Ridvan Bode. Kreu i Financave tha se Shqiperia nuk eshte ne krize, pasi norma e inflacionit eshte dukshem me e ulet se ne vende te tjera te rajonit. Sipas tij, rritja e pagave nuk do te prodhoje inflacion me te madh.