Banka Popullore, sherbime vetem per biznesin

Banka Popullore - Société Générale Group dje peruroi ambientet e reja ne sherbim te biznesit te Kullat Binjake, ne Tirane. Ne ceremonine e organizuar me kete rast moren pjese perfaqesues te trupit diplomatik te akredituar ne Tirane, perfaqesues te bankave te nivelit te dyte, biznesmene dhe kliente te bankes, perfaqesues te medias etj. Ne fjalen e tij pershendetese, drejtori i Pergjithshem i Bankes Popullore, Henri Maus de Rolley, vuri ne dukje vecorine e funksionimit te dy degeve te reja, te cilat ndonese te vendosura ne te njejtin mjedis, zhvillojne aktivitetin ne mbeshtetje te dy kategorive te ndryshme klientesh. Njera dege eshte e specializuar per individet dhe biznesin e vogel, ndersa tjetra ofron kushte ideale sherbimi per sipermarrjet e medha dhe korporatat. Pikerisht kjo e dyta perben edhe risine qe aktualisht Banka Popullore sjell ne tregun bankar shqiptar. Banka Popullore aktualisht ka nje numer prej me shume se, 85000 klientesh, nje rrjet prej 34 degesh, me e reja e te cilave ka filluar te funksionoje pak dite me pare te rruga "Komuna e Parisit", nderkohe qe 4 dege te reja priten te hapen ne Tirane dhe 5 dege ne rrethe te tjera brenda vitit 2008. Me rritjen e aktivitetit, Banka Popullore ka rritur edhe numrin e punonjesve qe aktualisht ka arritur ne 400 punonjes.