Universitetet, rregullore per te shmangur kaosin
E Merkure, 21 Maj 2008
Institucionet e Arsimit te Larte do te pajisen me nje rregullore te quajtur ndryshe tutorat, i cili do te sherbeje si rregullator mes studenteve dhe pedagogeve per ceshtje te ndryshme. Ky sherbim i ri i universiteteve synon mbeshtetjen e studenteve per parandalimin e largimeve apo zgjatjes se kohes se studimeve pertej kohezgjatjes normale te tyre. Ne kete menyre, pedagoget qe veterregullojne oraret e mesimeve, kohezgjatjen e tyre apo edhe ditet kur duan te bejne mesim, me nxjerrjen e tutoratit do ta kene te veshtire, ose ne rastin me te mire, te pamundur per ta bere nje gje te tille. Gjithashtu, rregullorja e re ka per qellim edhe orientimin dhe asiston studentet gjate gjithe programit te tyre te studimit, duke i nxitur ata per nje pjesemarrje aktive ne jeten universitare ne te gjitha fushat dhe format e saj. Gjithashtu, sipas nismes per Keshillimin e Karrieres, cdo universitet ka ndermarre nisma per t'ju bere te njohur maturanteve programet e studimit qe ofron, strukturat perberese te tij, sherbimet per studentet, mundesite per punesim, per te ndihmuar ne kete menyre nxenesit ne zgjedhjen e ndergjegjshme dhe te motivuar te programeve te studimit, qe do te kryhet ne qershor me plotesimin e formularit A2. Ne udhezimin e Ministrise se Arsimit dhe Shkences, eshte parashikuar qe rregullorja e posacme mbi kujdestarine (tutoratin) per studentet, te vihet ne zbatim per cdo program studimi (dege), nen pergjegjesine e keshillave te fakulteteve. Sipas burimeve nga Ministria e Arsimit, disa nga veprimtarite e orientimit dhe te kujdestarise (tutoratit) ne Institucionet e Arsimit te Larte kane te bejne me kujdestarine e studenteve. Pra, rregullorja do te sherbeje si "mbrojtese" e studenteve ne momentet kur u shkelet e drejta nga pedagoget. Nga ana tjeter, ajo do te sherbeje edhe si keshillim per nxenesit per perzgjedhjen e programeve te studimit. Perpunimi dhe shperndarja e informacionit mbi programet e studimit, mbi funksionimin e sherbimeve per studentet, jane funksione te tjera qe pritet te kryeje rregullorja e re mbi kujdestarine, apo e thene ndryshe, mbi tutoratin e studenteve. Nderkaq, orientimi per perfshirjen ne tregun e punes, do te jete nje nga misionet me te rendesishme te ketij dokumenti.
Deri tani, keshillim karriere per nxenesit
Keshillimi i karrieres eshte njohur si term pak muaj me pare, kur ministria e arsimti vendosi te miratonte nje nisme qe do te ndihmonte nxenesit per degen qe do te zgjidhnin. MASH, me anen e ketij udhezimi ka ngarkuar nendrejtoret e shkollave (ne mungese te tyre, drejtoret) per te dhene te gjithe informacionin e duhur cdo maturanti per provimet e matures. Me konkretisht, drejtuesit e shkollave dhe zevendesit e tyre do te informojne maturantet mbi sistemin Merite-Preference, menyren se si duhet t'i plotesojne formularet etj.
