Starton fushata kuqezi e majit
E Marte, 20 Maj 2008
Jeton Selimi
Kuqezinjte do te nisen sot per ne Reuntlingen te Gjermanise, ku do te zhvillojne dy takime miqesore, njeren me skuadren zvicerane te kategorise se dyte, Shafhauzen, ndersa tjetren, sikunder dihet, me Polonine e Leo Benhakerit. Nga Shqiperia do te nisen nje pjese e lojtareve, perfshire ata te superliges dhe legjionare, qe kane mbyllur hesapet e tyre me skuadrat ne Evrope dhe gjenden prane familjeve. Bogdani, Lala, Skela, Kapllani etj., do te shkojne drejt e ne Reutlingen pa ardhur me pare ne atdhe, sepse vetem kete fundjave ata kane ulur siparin ne kampionatet respektive. Informacionet paraprake bejne me dije se Ari Han do te kete ne dispozicion ne perballjen me Polonine te gjithe grupin e lojtareve. Fatmiresisht, nuk ka demtime dhe te besuarit e holandezit gezojne nje forme te mire sportive
Han si "zot shtepie"
I pari qe ka shkuar ne Reutlingen eshte trajneri i kuqezinjve, holandezi Ari Han, qe, me sa duket, ushqen nje "feeling" te vecante per kete zone te Gjermanise, sepse e ka zgjedhur edhe dy here te tjera, kur ka qene ne drejtimin e grekeve te PAOK-ut. Han do te jete keshtu ne rolin e te zotit te shtepise, duke u uruar mireseardhjen djemve kuqezi ne hotelin "Sternen", nje ambient familjar per te, pare se edhe menaxherin e nderteses e ka mikun e tij. Madje, me pare, mediat lokale i kane kushtuar vemendje zgjedhjes se perfaqesueses kuqezi, duke publikuar artikuj te tipit "Vijne futbollistet elitare shqiptare".
Cana vjen i fundit
I fundit qe do t'i bashkohet grupit kuqezi do te jete Lorik Cana. Kapiteni dhe mesfushori i Marsejes do te jete i impenjuar ne nje perballje miqesore, qe skuadra e tij do te zhvilloje me perfaqesuesen e Marokut. Ai do te jete i gatshem per trajnerin Han vetem pas dates 23 maj. Cana do te humbase keshtu perballjen e pare me zviceranet e Shafhauzenit, por do te jete me se i gatshem per Polonine.
8 Lojtare ne listen me 22 emra te perzgjedhur nga trajneri Ari Han jane nga superliga. Tirana e Partizani kane nga 3 lojtare ne perfaqesuese, ndersa Vllaznia vetem 2.
2 Dite me vonese do te mberrije ne grumbullimin kuqezi Lorik Cana, pasi mesfushori eshte i impenjuar ne nje takim miqesor mes Olimpikut te Marsejes dhe Marokut
Miqesorja e pare, test
Trajneri Ari Han do te zhvilloje nje mini-seleksionim te grupit kuqezi ndaj Shafhauzenit per te percaktuar edhe formacionin titullar qe do te niset ndaj Polonise gjashte dite me pas. Han nuk do te ndryshoje gje nga boshti i skuadres, por priten risi te kendshme.
