Prodhimi vendas ul cmimet e ushqimeve
E Marte, 20 Maj 2008
Prodhimet bujqesore kane pesuar ulje keto dy javet e fundit, si rezultat i futjes ne tregje te prodhimeve vendase. Sipas statistikave te Ministrise se Bujqesise, Ushqimit dhe Mbrojtjes se Konsumatorit (MBUMK), gjate kesaj jave ne krahasim me javen e kaluar, cmimet e rreth 50% te artikujve bujqesore kane shenuar ulje. Nga te dhenat zyrtare rezulton se, ne tregjet ushqimore te kryeqytetit, cmimet e perimeve te stines, prodhim vendi jane ulur me 20,9 leke/kg. Nderkohe qe ne Lushnje apo Fier, zona me potencial te larte prodhimi, cmimet shenojne ulje akoma me te ndjeshme. Specialistet e bujqesise vleresojne se politikat subvencionuese dhe mbeshtetese te ndermarra vitet e fundit nga MBUMK per bujqesine, kane dhene impakt ne rritjen e prodhimit vendas, qe po reflekton ulje te cmimit te shitjes se tyre, por qe ne asnje rast ky cmim nuk eshte nen kosto. Sipas tyre, dhe orientimi i konsumatoreve drejt prodhimit vendas eshte nje tjeter faktor qe po ndikon ne uljen e cmimeve. Duke vleresuar se ulja e cmimeve ka ardhur si pasoje e dominimit ne treg te prodhimeve bujqesore sezonale te vendit (prodhim fushe dhe sere) MBUMK ben te ditur se renia e cmimeve do te vazhdoje edhe javet e ardhshme. Gjate kesaj jave, perimet e shitura me lire vijne nga qytetet e Lushnjes dhe te Fierit. MBUMK evidenton faktin se, ne shkalle vendi, ka nje rritje te prodhimit te pergjithshem bujqesor dhe blegtoral, e cila e koordinuar dhe me faktorin sezonal, po ndikon ne uljen e cmimit te shitjes se ketyre produkteve ne tregjet e vendit. Sipas te dhenave zyrtare edhe per prodhimet e bulmetit shenohen keto ndryshime cmimesh me tendence uljeje, kundrejt javes se kaluar. Keshtu, djathi i bardhe eshte ulur me 2,1 leke/kg, gjalpi 0,1 leke/kg etj. Nderkohe, mishi i vicit tregtohet me 5,0 leke/kg me lire, mishi i deles 6,8 leke/kg me shtrenjte dhe mishi i qengjit eshte rritur me 5,3 leke/kg. Ne krahasim me javen e kaluar rezulton se cmimi i frutave qe jane ne fillim te sezonit eshte rritur me rreth 2,3 leke/kg. Po sipas te njejtit burim, per produktet e tjera ne grupin e ushqimeve mish, bulmet, dhe ushqime te importit si vaj, makarona etj., gjate javes se fundit eshte ruajtur i njejti nivel cmimi sa nje jave me pare.
Artikujt Ishin Jane
Kastravecet 100 35
Domatet 80 60
Qepet e njoma 60 40
Bishtajat 500 400
Patellxhanet 400 250
Qershite 350 200
Kajsite 350 250
(leke/kg)
