Korsite e rezervuara, zhduken parkingjet

Ne rruget kryesore nuk do te kete me vende parkimi. Ky ka qene thelbi i Strategjise se Transportit Urban, i prezantuar dje nga kryetari i Bashkise se Tiranes, Edi Rama dhe specialistet e fushes. Gjithashtu, strategjia parashikon disiplinimin e rrjetit semaforik, ngritjen e parkingjeve nentokesore, apo edhe shkrirjen e linjave te transportit urban. Zbatimi i plani te ri levizjeje e fut qytetin e Tiranes ne nje epoke te re, te asaj qe s'ka asnje lidhje me kaosin dhe ndotjen urbane.

Ne rruget kryesore te Tiranes nuk do te shohim asnje makine te parkuar vend e pa vend. Kjo, sepse ato do te parkohen ne parkingjet nentokesore qe pritet te ndertohen ne kryeqytet. Megjithate, mesohet se aktualisht po behet "bilanci" i vendeve te parkimit aktuale, te cilat do te vihen ne pozita krahasimore me kapacitetin e tyre. Projekti i financiar nga BERZH parashikon "levizjen" graduale te vend-parkimeve nga qendra, drejt unazes se vogel. Gjithashtu, sipas burimeve nga Bashkia e Tiranes, shume rruge do te behen me nje kalim dhe do te studiohen edhe vend-parkimet brenda tyre. Nese shihet e arsyeshme, ne rruget sidomos te ngushta nuk do te lejohet qe te parkohet asnje makine. Gjithsesi, ndryshimet konkrete do te mund te mesohen ne nje periudhe te mevonshme, sepse aktualisht, strategjia eshte vetem ne fazen e diskutimeve dhe te propozimeve.

Pjesa e strategjise qe flet per zhdukjen e parkimeve, nuk duhet t'i trembe qytetaret qe posedojne nje mjet. Kjo, sepse ato do te transferohen drejt parkimeve te nendheshme. Plani Francez per Tiranen parashikon ndertimin e plot 12 parkingjeve, gje qe pritet te zgjidhe perfundimisht problemin e parkimit ne kryeqytet. Dy prej tyre, jane derguar ne Keshillin e Ministrave per procedure koncensionare. Behet fjale per parkingjet nen dheun e "Parkut Rinia" dhe Stadiumit "Qemal Stafa". Te projektuara per te perftuar sa me shume hapesire, ato do te jene disakateshe, me disa hyrje-dalje, me ashensore, etj. Aktualisht projektet ndodhen ne Agjencine e Trajtimit te Koncesioneve, e cila eshte ne varesi te Keshillit te Ministrave. Ndersa aktualisht, Bashkia po pret qe qeveria te nxjerre aktet ligjore per parkimet dhe pastaj te filloje puna. Gjithcka per momentin duket e larget, por kryetari i Bashkise se Tiranes, Edi Rama, premtoi nje zgjidhje te situates kaotike qe mbreteron ne lidhje me parkimet dhe stabilizimin e tyre.

Transportit urban, do te ndryshohen destinacionet

Sipas strategjise se prezantuar dje ne Bashkine e Tiranes, nuk perjashtohet rishikimi i linjave te transportit urban. Keshtu, ato linja qe rezultojne jo shume te domosdoshme do te shkrihen me linja te tjera urbanesh, ndersa nese shihet e nevojshme do te shtohen linja te tjera. Nje gje e tille pritet te ndodhe kryesisht ne rruge kryesore, si per shembull "Rruga e Kavajes". Megjithate eshte ende heret per te folur me linja e shifra konkrete, per shkak te fazes ne te cilen gjendet strategjia. Linja e pare e kesaj te fundit parashikon caktimin e korsive te rezervuara per autobuset, i cili do te shoqerohet me organizimin e itinerarit dhe stacioneve. Ngritja e Qendres se Kontrollit Semaforik i parashikuar ne projekt, pritet te beje sinkronizimin e rrjetit semaforik. Strategjia synon qe te ndertoje nje qytet te orientuar nga levizja jo me automjete private, por me transportin publik, ne funksion te nje zhvillimi qe fokusohet ne mbrojtjen e mjedisit. Sipas kryetarit te Bashkise, Edi Rama, po hartohet edhe strategjia e transportit te qendrueshem, me projekte konkrete per Qendren e Kontrollit te Trafikut. Nderkaq, ceshtja e korsive te rezervuara per autobuset dhe bicikletat, riorganizimi i te gjithe transportit publik dhe vleresimi i impaktit ne mjedis, kane nje vend te vecante ne strategji. Rama tha se bashkia po perpiqet, per te krijuar ato ekuilibra qe jane te domosdoshme, jo vetem ne perballimin e ketij fluksi trafiku por edhe te rritjes se numrit te makinave qe eshte ende larg raportit qe ekziston ne Evrope.

Ku do te ndalohet parkimi:

Unaza e Vogel

Rruga e Kavajes

Rruga e Durresit

Rruga e Elbasanit

Rruga "Ali Demi"

Unaza e Madhe