Hartat, tokat e lira pa dokumentacion shoqerues

Agjencia e Kthimit dhe Kompensimit te Pronave ka shprehur publikisht shqetesimin mbi ecurine e kompensimit fizik. Ky institucion u ka terhequr vemendjen e institucioneve pergjegjese per te bere hapa para ne kete proces. Pikerisht nga drejtuesit e AKKP-se, faza me problematike e procesit mbetet krijimi i nje fondi fizik sa me te madh, me pasuri te paluajtshme (toke bujqesore, truall dhe objekte shteterore) nga ana e ministrive te linjes, te cilat arrijne ne mbi 20-30 mije ha siperfaqe, por qe u mungojne certifikatat dhe hartat shoqeruese per nje kompensim efektiv fizik. Tashme informacioni i pare nga ministrite lidhur me gjendjen e ketyre pronave ka mberritur ne Agjenci, por eshte i pergjithshem, ku evidentohen nje sere pasurish shteterore me emertimet dhe siperfaqen e tyre perkatese. Sipas specialisteve te AKKP-se, informacioni eshte i pashoqeruar me certifikaten e pronesise, harten treguese dhe kartelen e pronesise te leshuar nga Zyra e Regjistrimit te Pasurive te Paluajtshme e rrethit perkates, ne territorin e se ciles ndodhen objektet e paluajtshme. Deri me tani, llogariten rreth 20-30 mije ha siperfaqe, te cilat jane godina, troje apo toka bujqesore dhe per te cilat, sipas tij, mungojne certifikata apo hartat specifike te rendesishme per njohjen e kesaj siperfaqeje per kompensimin fizik. Pikerisht per kete arsye, specialistet e Agjencise kerkojne mobilizimin e ministrive pergjegjese, te vena ne dispozicion te krijimit te fondit fizik te kompensimit edhe certifikaten e pronesise, harten treguese dhe kartelen e pronesise te leshuar nga ZRRP-ja e rrethit.