Tirana, kete vere me shume uje

Tirana kete vere do te kete me shume uje se gjate vitit te kaluar, kjo per shkak te nderprerjes se ligjeve te paligjshme dhe sasive te reshjeve te cilat kane qene me te larta per kete vit. Ky ka qene edhe lajmi me i mire nga Drejtoria e Ujesjellesit per banoret e kryeqytetit te cilet gjate stines se nxehte qe po afron do te kene me shume uje ne cezmat e tyre. Sipas kryetarit te deges se ujit te pijshem, Kujtim Allaraj per kete vit jane marre nje sere masash per zonat problematike te kryeqytetit si dhe per zonat e tjera po kryhen inspektime per te shkeputur lidhjet e paligjshme te lavazhove dhe vaditjeve. Per zonat jo problematike gjate periudhes maj-shtator do te kete rreth 9 ore furnizim me uje, i cili do te jete me orare tre here ne dite. Kurse per zonat problematike eshte gjetur zgjidhja. "Ne Tirane vetem nje zone eshte problematike ajo e Tiranes se Re dhe Selites kurse persa i perket Kodres se Priftit problemi tashme eshte zgjidhur ku eshte futur ne pune nje depo e cila do te katerfishojne sasine e ujit per ate zone" ka pohuar per gazeten kryetari i deges se ujit te pijshem, Kujtim Allaraj. Nderkohe qe per zonen problematike ate te Selites dhe pikerisht Komuna e Parisit eshte gjetur nje tjeter zgjidhje bere nje lidhje midis dy depove kryesore. Keshtu ne rastet kur prurjet e Selites do te jene te pakta dhe do te bjere niveli i tyre do te kete furnizim nga Bovilla ne menyre qe te shtohen prurjet dhe kjo zone te mos ndieje mungesen e ujit ashtu si gjate viteve te kaluara. Nderkohe, nje tjeter projekt i cili do te permiresoje shume prurjet ne kete zone eshte edhe ai i nje fondi prej 36 milion lekesh, i cili do te perdoret per nderhyrje ne tubacionet per te shtuar sasine e ujit. Por sipas specialisteve te ujesjellesit ky projekt ka mbetur per gjysme, pasi Bashkia e kryeqytetit nuk ka dhene leje per carjen e asfaltit ne kete zone.

Persa u perket zonave te tjera te kryeqytetit ato nuk do te kene probleme me ujin pervec rasteve te avarive. Nderkohe, ne zonat ku uji gjate periudhes se dimrit eshte 24 ore, ne periudhen e veres do te aplikohen orare per furnizim te cilat do te jene tre here ne dite. Keshtu ne keto zona do te perfshihen ajo e Ali Demit, e cila do te kete furnizim me uje tre here ne dite per 9 ore gjithsej. Nderkohe per zonen e Kinostudojos nuk do te ndryshojne oraret, pra uji do te vije 3 here ne dite por gjate periudhes se pikut te vapes do te kete 8 ore uje nga 11 qe ka ne dimer. Po keshtu e njejta situate do te jete edhe per zonen e Kombinatit. Kurse persa i perket qendres dhe Laprakes nuk do te kete ndryshim te furnizimit me uje ai do te jete 24 ore pasi rrjeti i kesaj zone eshte drejtpersedrejti me impiantin e Bovilles. Por parashikohet qe ne disa lagje ose minizona te aplikohen oraret deri ne 3 here ne dite. S. Isaku