Sigurimet, zbulohen 60 pensione te rreme
E Diele, 18 Maj 2008
Zyra Rajonale e Sigurimeve Shoqerore ne Elbasan ka zbuluar 60 pensione te rreme. Numrin me te madh e zene pensionet e perfituara padrejtesisht nga minatoret e Perrenjasit. Nga kontrollet e ushtruara nga punonjesit e zyres se sigurimeve, rezultoi se mjaft minatore kishin kryer deklarime te rreme, lidhur me vitet e punes ne miniera. Te implikuar ne falsifikim jane edhe disa nepunes te sigurimeve dhe te institucioneve qe kane dhene vertetimet. Nga verifikimet u kapen edhe pensione me certifikata false. Drejtori i Zyres Rajonale te Sigurimeve ne Elbasan, Pavllo Jorgaqi, tha dje, per "Koha Jone", se pensionet e rreme u zbuluan nga kontrolli i brendshem i deges se sigurimeve ne prefekturen e Elbasanit. "Personat e evidentuar duhet te kthejne ne arken e sigurimeve shumen e perfituar ne menyre te padrejte, ndryshe do te perballen me ligjin", tha ai.
F. Salliu
