Parkingjet, ne shtator priten zgjidhjet

Ndertimi i Unazes se Vogel te Tiranes dhe kthimi ne zone kembesoresh te sheshit "Skenderbej", do e ktheje ne nje ferr te vertete parkimin e nje automjeti ne zonen e qendres se kryeqytetit. Tashme, pas vendimit se ne Unazen e Vogel nuk do te lejohet parkimi, qytetareve te Tiranes do t'u duhet qe te perdorin me teper bicikletat, pasi per to eshte lene edhe nje korsi e vecante.

Vetem ne muajin shtator mund te flitet dicka konkrete per zgjedhjen e problemit te parkimeve ne Tirane. Pikerisht ne kete muaj do te filloje punimet studioja qe do te rindertoje qendren e kryeqytet dhe sipas parashikimeve parkimet nentokesore do te jene poshte ish-monumentit te Enver Hoxhes. Studioja fituese per transformimin e qendres se Tiranes, ndonese nuk e ka sqaruar ne detaje se si i ka konceptuar parkimet, mesohet se ka parashikuar qe parkimet e nendheshme te behen ne pjesen perendimore te qendres, perballe nderteses se re qe pritet te ndertohet perballe Bankes se Shqiperise. Detyra per t'u kujdesur per mirefunksionimin e parkingjeve te nendheshme ne qender i mbetet pikerisht studios belge, e cila u shpall fituese per transformimin e qendres. Ne fakt, fjala "parkim" gjate prezantimit te projektit me 10 prill, eshte permendur vetem nje here ne togfjaleshin "parkime nentoke, parqe lart".

Zona ku ka zene vend per dekada me radhe nje monument gjigant ne perkujtim te ish-diktatorit, do te jete serish ne qender te vemendjes. Kjo, jo per faktin se aty pritet te ndertohet ndonje memorial tjeter, por per shkak se nen dheun e kesaj zone te betonuar do te ndertohen parkingje madheshtore. Kriteri kryesor i Bashkise se Tiranes per studiot konkurruese per qendren ka qene pikerisht ceshtja e parkimeve. Keto te fundit do te jene te gjitha te nendheshme. Parkimi ne Qender te Tiranes do te jete dykatesh, por sigurisht nen toke. Siperfaqja nentokesore qe do te zere parkingu do te jete rreth 4500 metra katrore.

Ndertimet e reja, te gjitha me parkime nentoke

"Te gjithe vendqendrimet e automjeteve (ne perputhje me koeficientin qe parashikon rregullorja) sipas nevojave te ndertimeve, duhet te jene ne katin nentoke te ndertimeve te reja. Panduset e hyrjes duhet te jene te vendosura nen godine brenda gjurmes se ndertimit". Ky eshte kushti kryesor per sa u perket parkingjeve te qendres se Tiranes. Kjo ne menyre qe levizjet hyrese dhe dalese te automjeteve, si dhe vendqendrimet sherbyese, te mos pengojne rrjedhen e qarkullimit te rrugeve perreth.