Pallatet, si do behet legalizimi

Agjencia e Legalizimit dhe Urbanizimit te Zonave Informale ka parashikuar te sanksionoje subjektet ose shoqerite e ndertimit qe kane kryer shtesa anesore, ose shtesa ne kate per qellim kalimi pronesie ose qiradhenie. Nderkohe, sipas ndryshimeve te bera dje nga qeveria legalizimi i shtesave ne ndertime kryhet edhe ne rastin kur subjekti qe ka ndertuar shtesen jashte lejes se ndertimit, per qellim kalimi pronesie ose qiradhenieje, nuk paguajne penalitetet. Ne kete rast legalizimi kryhet ne favor te bleresit dhe per ndertuesin ndiqen procedurat per shlyerjen e detyrimit.

Zonat turistike, tapite pas kufijve

Procesi i legalizimit te ndertimeve pa leje ne zonat turistike do te filloje vetem pasi te jete percaktuar vija kufizuese e tyre. Keshtu, dje qeveria miratoi edhe kriterin e pare per pajisjen me dokumentacion te objekteve pa leje ne keto zona. Ne ndryshimin e bere nga qeveria percaktohet se "legalizimi i ndertimeve informale ne zonat me perparesi zhvillimin e turizmit do te kryhet pas percaktimit te vijes kufizuese te ketyre zonave". Nderkohe, ngarkohet Keshilli i Ministrave, qe brenda 3 muajve nga hyrja ne fuqi e ketij ligji, te nxjerre aktet nenligjore ne zbatim te tij.

Si do te behet pagesa per lejen

Pervec tarifes se sherbimeve, qytetaret do te paguajne edhe vleren e shitjes se parceles ndertimore. Vlera ne leke e objektit, i cili ka destinacion banimi, do te varioje nga 100 deri ne 400 mije leke ne baze te siperfaqes ne meter katrore. Ne rastet kur objekti perdoret per qellime social-ekonomike, vlera e tij llogaritet duke u bazuar ne cmimin e tregut ne momentin e kalimit te pronesise. Ndersa ne rastet kur objekti pa leje ka perdorim te perzier, pra perdoret edhe per banim, edhe per aktivitete social-ekonomike, do te perdoret formula duke aplikuar koeficientin e shfrytezimit. Pagesa e parceles ndertimore kryhet menjehere per objektet me destinacion social-ekonomik. Ndersa per objektet me destinacion te perzier banimi edhe social-ekonomik, pagesa nese kryhet menjehere, qytetari perfiton nje zbritje prej 20 per qind te vleres per siperfaqen totale te parceles. Pagesa mund te kryhet edhe brenda nje viti me dy keste, ku kesti i pare te jete jo me pak se 50 per qind e vleres, duke perfituar nje zbritje ne masen 10 per qind nga vlera e kestit te dyte per siperfaqen totale te parceles. Por pagesa mund te kryhet edhe brenda 3 vjeteve per rastet e pamundesise se shlyerjes se kestit te dyte.