Ndotja nga guroret, gjoba dhe bllokime

Qyteza e Ures Vajgurore ka nje ndotje kater here me te larte se normalja. Shkaku eshte aktiviteti i 17 firmave te nxjerrjes se gurit, cakllit dhe gelqeres qe vepron ne kete qytet. Konstatimi eshte bere i ditur dje nga specialiste te Ministrise se Mjedisit pas inspektimit te bere ne zonen ku kryejne aktivitet subjektet private. Pas shume ankesave te bera nga ana e banoreve te ketij qyteti, specialiste te Ministrise se Mjedisit kane pare situaten ne vend. Kryeinspektori i Ministrise se Mjedisit, Dritan Arapi, si dhe specialiste ne mjedisit ne Berat kane qene dje ne kete qytet, ku kane zhvilluar kontrolle ne aktivitetin e subjekteve qe veprojne ne kete zone. Nga inspektimi i bere, ka rezultuar se firmat nuk vene ne perdorimin impiantet per filtrimin e ajrit gjate aktivitetit te tyre. Keshtu, pas inspektimit jane marre masa, duke gjobitur dy prej firmave qe jane me prane zonave te banuara, te cilat nuk perdorin impiantet per pastrim. Dy subjekteve "Salillari", si dhe "Guri i Bardhe", u eshte vendosur nje gjobe prej 3 milione lekesh, nderkohe qe u be u ditur se do te jene ne monitorin te gjitha firmat e tjera, te cilave u eshte kerkuar perdorimi i impianteve. Kryeinspektori Arapi u shpreh se dhe bashkia e Ures Vajgurore duhet te marre masa ne bashkepunim me zyren e mjedisit per te bere monitorimin e aktivitetit te ketyre subjekteve here pas here. Kryeinspektori u shpreh se bashkia ka kompetencen e plote deri ne pezullimin e aktiviteteve te ketyre subjekteve, nese ata nuk zbatojne rregullat e mjedisit. Po keshtu, bashkise i eshte kerkuar qe ne bashkepunim me bizneset te shtrohen rruget qe pershkohen nga mjetet e firmave, pasi nga inspektimi ka rezultuar se ne shkallen e ndotjes ndikon dhe gjendja e mjeruar e rrugeve. Po keshtu, u vendos dhe bllokimi i dy furrave gelqereje, te cilat kryejne aktivitetin shume prane zones se banuar. Ndersa, per subjektet qe veprojne shume prane banesave eshte lene nje afat prej gashte muajsh per te larguar aktivitetin nga zona e banuar, ndersa firmave te tjera u eshte lene afat venia e impianteve. Here pas here, banoret e Ures Vajgurore kane protestuar per ndotjen e ambientit nga guroret. Madje, edhe autoritetet vendore kane paralajmeruar masa drastike ndaj firmave, por keto kane qene vetem fjale, pasi subjektet nuk i kane vendosur filtrat qe sherbejne per te ulur shkallen e ndotjes ne qyteze. Kryeinspektori Arapi i ka kerkuar drejtuesve te bashkise qe te vepronin me ashper ndaj shkelesve te ligjit, pasi shume prej banoreve vuajne nga semundje si ajo e silikozes, per shkak te tymit qe del nga perpunimi ne gurore.

E.Hazizolli