Mbyllet greva e naftetareve, nisin negociatat
E Diele, 18 Maj 2008
Nderpritet perkohesisht greva e 300 punetoreve te Ndermarrjes se Perpunimit te Naftes ne Ballsh. Mengjesin e djeshem, me urdher te drejtorit te KPTHN, qe gjendet per nje vizite ne SHBA, zyrtare te ndermarrjes kane negociuar me perfaqesues te punetoreve, duke terhequr edhe nje here listen e personave qe kane dale ne reforme, me qellim rishikimin e saj. Punonjesit deklaruan gjate dy diteve te protestes se tyre, ku zune edhe deren e ndermarrjes, se reforma ishte politike dhe se ishin larguar nga detyra specialiste me 35 vite pune dhe ishin marre te rinj militante pa eksperience. Pasi kane mbajtur shenim kerkesat e protestuesve, drejtuesit e ketij institucioni kane vendosur qe te rishikojne emrat qe do te perfshihen ne reforme. Sipas burimeve te informacionit nga grupi drejtues i protestes, mesohet se drejtori i KPTHN-se, pasi kishte firmosur listen me emrat e personave qe perfshiheshin ne reforme, nje dite me pas kishte "fluturuar" per ne SHBA. Por, ka qene nje telefonate e bere prej tij qe ka vene ne levizje administraten e ketij institucioni qe te negocioje me grupin drejtues te protestes. Ndermarrja ka gjithsej 650 punetore, ndersa gjysma e tyre rrezikohen nga reforma, per shkak te veshtiresive qe drejtuesit kane hasur ne aktivitet. Por pretendimet e punonjesve per largime te padrejta dhe politike nga puna dhe reagimi i opozites duke akuzuar per punesim te militanteve, ka sjelle negociatat qe kane nisur mbremjen e se enjtes. Diten e djeshme, perfaqesues te KPTHN-se kane marre kontakt me drejtuesit e protestes, duke kerkuar nderprerjen e tubimeve para dyerve te ndermarrjes. Dy dite me radhe, 300 punetoret bllokuan deren kryesore te institucionit, duke sjelle veshtiresi ne aktivitetin e ndermarrjes, pasi nuk lejonin hyrje-daljet e mjeteve.
Akuzat e Braces: Reforme politike
Deputeti i Partise Socialiste, Erion Brace, akuzoi drejtuesit e ndermarrjes se naftes ne Ballsh se kishin vepruar me motive politike ne reformen e fundit ndaj 300 punetoreve te perfshire ne liste. "Jane larguar njerez me eksperience dhe u punesuan persona militante te pozites dhe pa arsim", ka thene Brace.
Xh. Beharaj
