Ina Rama: Nuk kemi me dokumente per Mediun

Prokurorja e Pergjithshme, Ina Rama, deklaron se institucioni qe ajo drejton nuk ka me dokumente shtese per t'i derguar Kuvendit dhe se gjithcka ishte e perfshire ne dy dosjet me rreth 1 mije faqe. Deklaratave te deputeteve te Keshillit te Mandateve se ne dosje nuk kishte asgje te re dhe materiale te vlefshme, kreu i organit qendror te akuzes i eshte pergjigjur diten e djeshme me nje reagim zyrtar. "Gjithcka kemi pasur ia kemi kaluar Kuvendit ne rruge zyrtare dhe ne baze te procedurave ligjore. Ne jemi ne pritje te vendimit te parlamentit rreth kerkeses per heqjen e imunitetit te ish-ministrit te Mbrojtjes, Fatmir Mediu", tha Rama. Ish-ministri dyshohet se ka shperdoruar detyren ne disa akte normative te firmosura, urdhra te dhene per Gerdecin dhe dokumente te tjera per kontratat me SAC e "Alba Demil". Gjate nje takimi ne programin "Euralius 2" te zhvilluar ne Hotel Tirana, Kryeprokurorja ka bere te ditur se dosja, e cila eshte derguar ne parlament ka qene e plote dhe ne te gjenden te gjitha materialet qe prokuroria ka ne dispozicion. Sipas Kryeprokurores, Kuvendi ka ne duar te gjithe materialin qe kerkoi nepermjet shkreses se bere per plotesim dokumentesh per te vendosur me vone ne lidhje me fatin e imunitetit te Mediut. Prokuroria e Pergjithshme, e cila edhe po heton dosjen ne lidhje me tragjedine e Gerdecit te ndodhur me 15 mars te ketij viti, ne te cilen humben jeten 26 persona e u aksidentuar me shume se 300 te tjere, kerkon hetimin e Mediut per akuzen e "shperdorim detyre".

R.Caushaj