Ekspertet e demeve ne Gerdec perfundojne ne prokurori

Ekspertet qe kane kryer vleresimet e demeve ne Gerdec pas tragjedise se 15 marsit perfundojne ne Prokurorine e Tiranes. Policia dhe zyra e Task-Forces mbyllin investigimin rreth 50 ankesave te bera nga banoret e zones se prekur nga shperthimi katastrofik dhe nga vete kryebashkiaku i Vores, Fiqiri Ismaili. Burime zyrtare te policise thane dje, per gazeten "KJ", se dosja per hetimin e 15 grupeve me nga 3 persona qe kane bere fillimisht vleresimin e demeve per 1400 objektet e demtuara ka kaluar ne organin e akuzes. Shkak i hetimeve kane qene pakenaqesite e vete banoreve per vleresimin e demit te shkaktuar nga ana e shperthimit te fabrikes se demontimit ne Gerdec. "Ka pasur fatura te fryra financiare per biznese te ndryshme me te dhena fiktive, qe gjate inspektimit te dyte konkluduan si joreale", thane zyrtare te policise dje. Ekspertet gjenden nen akuzen e "abuzimeve me detyren dhe te mashtrimit", ndersa prokuroria do te marre ne pyetje te dyshuari per firmat qe kane hedhur ne faturat financiare. Keshtu, nese duhet te ishin vleresuar deme te medha, ekspertet kane bere te kunderten, ose kane vleresuar demet me shume se c'duhej. Dje eshte derguar ne Prokurorine e Tiranes edhe dosja perkatese, e cila i ka kaluar per hetim antikrimit ekonomik. Prokuroria do te hetoje me radhe te gjitha rastet e zbuluara ne saje te kallezimeve apo ankesave te bera nga ana e banoreve te Gerdecit. Dosja ne lidhje me keto abuzime do te regjistrohet pas 10 ditesh ne kete prokurori. Prokuroria do te verifikoje menyren sesi eshte bere edhe vleresimi i ketyre demeve nga ekspertet. Abuzimet me vleresimet e demeve nga ana eksperteve kane shkaktuar edhe deme ne buxhetin e shtetit.

R.Caushaj