Konkurrenca e padrejte, qindra taksi ne proteste

Qindra taksi jane hedhur dje ne protesta, kunder konkurrences se padrejte dhe liberalizimit te tregut te taksive. Drejtues te kesaj kategorie mjetesh, si dhe perfaqesues te Sindikates se Transporteve, u shprehen dje se po shkojne drejt falimentimit per shkak te mungeses se stabilizimit ne tregun e taksive. Jo vetem taksistet e rregullt qe operojne ne zona te ndryshme te Tiranes, por edhe Sindikata e Transporteve pretendojne se numri i automjeteve qe kryejne funksionin e taksise dhe jane te palicencuar arrin ne shifren 6 mije. "Na marrin klientet, edhe pse ne i paguajme te gjitha taksat sipas ligjit", u shprehen taksistet gjate protestes. Sipas rregulloreve qe mbajne nen kontroll dhenien e lejeve per ushtrimin e aktivitetit taksi duhet qe, numri i taksive nuk duhet te kaloje raportin 1 taksi per 1 mije banore. Por, aktualisht, sipas protestuesve numerohen rreth 6 mije taksi te licencuara, nderkohe qe duhet te ishin gjysma e tyre. Nga kjo shifer, 2400 jane taksi 4+1 dhe 3600 furgone taksi 8+1. Nderkaq, sindikata e transporteve sipas survejimeve te saj, pohon se numri i taksive te palicencuara shkon ne rreth 6 mije automjete te tjera. Kjo situate ka diktuar falimentimin e shume bizneseve te autobuseve nderqytetes. Problemi i taksisteve eshte qe, pervec ketyre shifrave galoponte, nje konkurrence te padrejte ushtrojne edhe policet-taksiste. "Ka edhe police bashkiake, te cilet na hedhin punen ne ere", u shprehen dje protestuesit, prane sheshit "Nene Tereza" . L.Ndoka