Spitali Ushtarak, s'ka ambiente per perballimin e rasteve
E Premte, 16 Maj 2008
Sherbimet spitalore, te cilet do te ofrohen ne Spitalin Ushtarak per te gjithe pacientet, duhet te jene me pagese, pervec atyre personave te cilet jane pjese e institucioneve te linjes. Duke pare numrin e madh te pacienteve dhe kapacitetet e vogla qe ka ky spital, drejtuesit e ketij institucioni kane kerkuar qe sherbimet per pacientet jo ushtarake te kryhen kundrejt pagesave te percaktuara. "Une propozoj dhe jam dakord qe te vendosen pagesa fikse per sherbimet qe do te ofrohen ne spitalin tone. Pacientet, pasi te kene marre sherbimin, te shlyejne faturen, kjo do te ishte e vetmja zgjidhje per ne qe te mund te investojme me shume dhe te ulet edhe numri i pacienteve qe perplasen te ne", ka pohuar drejtori i Spitalit Ushtarak, Bedri Mihaj. Sipas tij, sot reanimacioni ka vetem 18 shtreter per perballimin e rasteve urgjente, nderkohe qe vetem gjate nje dite spitalet e rretheve dergojne mbi 10 apo 12 paciente pervec rasteve te kryeqytetit. "Ne jemi te gatshem te ofrojme asistence dhe ndihme mjekesore dhe shendetesore per spitalet e rretheve. Vetem Durresi i dergon pacientet e politraumes, pasi i ka mbajtur 12 ore nen vezhgim pa u bere asnje lloj injeksioni apo trajtimi. Ne shume mire mund te dergojme nje ekip mjekesh dhe nuk ka pse pacienti te transportohet me furgon dhe i pashoqeruar nga asnje infermier ne spitalin tone", ka pohuar Mihaj. Sipas tij, zgjidhja me e mire e problemit do te ishte ndritja e politraumave edhe ne spitalet e tjera te rretheve. Keshtu, spitalet rajonale, qe pritet te fuqizohen duhet te kene nje qender te politraumes, ne menyre qe te mos kete perplasje te rasteve ne Spitalin Ushtarak.
Ushtaraku, 15 vjet pa autopsi
Nuk jane vetem spitalet civile ata qe nuk kryejne autopsite te pacientet qe vdesin ne duart e mjekeve. E njejta situate eshte edhe ne Spitalin Ushtarak, ku prej 15 vjetesh nuk eshte kryer asnje autopsi te pacientet. Te vetmet procedura qe kryhen jane analizat e mjekeve dhe debatet per shkakun e vdekjes po jo gjetjen reale te saj.
