Grate greviste, rrezik vdekje
E Premte, 16 Maj 2008
Luljeta Ndoka
Permasat e kaosit dhe varferise po rriten zonen prane Maternitetit te Ri, e kthyer tashme ne germadhe. Banoret kane kerkuar nje skute ku te fusin koken dhe duket se me e favorshmja ka qene shtrimi i jorganeve dhe batanijeve ne hyrjet e pallateve. Nderkaq, gjendja e grave greviste po perkeqesohet. Doktoret i kane injoruar ato, ndersa ndihen edhe te braktisura nga deputeti i zones, kryetarja e Njesise Bashkiake dhe nga shteti.
Perkeqesimi
Asnje prej banoreve te prekur nga prishja e shtepive nuk ka mundur te calltise per te gjetur nje shtepi me qira apo nje zgjidhje tjeter. Qe te gjithe e kane lene burrerine dhe krenarine menjane dhe jane ulur buze trotuareve qe gjenden prane ish-shtepive te tyre. Me te ardhur deputeti Spartak Ngjela, banoret kane vershuar drejt tij, duke i kerkuar zgjidhje, ose te pakten, nderhyrje per te gjetur nje zgjidhje. Me tone shume te ashpra, ata i jane drejtuar njeriut qe e kane votuar per deputet qe te beje dicka per ta. Nuk kane as te hane, as te pine as ku te flene, e per me teper nuk kane asnje lek. Fakti qe keto dite kane ngrene rrugeve, apo kane dhene ndonje lek paradhenie per shtepi me qira, ua ka shteruar edhe qindarkat e fundit.
Greva
Grate greviste rrezikuan jeten dje. Shembja e tarraces se nderteses ngjitur me ambientet, ku ato jane ngujuar, per pak ka qene fatale per to. Ajo rrezikoi t'u binte siper, e megjithate ato nuk kane levizur nga vendi. "Do te vdesim ketu, brenda germadhave, sepse nuk kemi se ku te shkojme", tha Qefsere Bega, nene e 7 femijeve. Ajo u shpreh se asnje nuk e ka merituar voten e tyre, sepse asnjeri s'ka bere gje per banoret e asaj zone. Grate kerkuan vetem nje strehe, ne menyre qe te mos i lene femijet rrugeve. Ndersa kane pasur ankesa edhe per mungesen e vemendjes nga ana e strukturave shteterore dhe vendore. "Edhe doktori nuk na ka vizituar dhe nuk na ka bere serume. Asnje s'do t'ia dije per ne", u shprehen ato, te indinjuar nga indiferenca e avokat Ngjeles.
Pasojat sociale te nje masakre
Pasojat e kthimit te zones prane Maternitetit te Ri ne germadha, ndihen ne cdo fjale te qytetareve. Qe nga femijet, te cilet shprehen se nuk kane me libra per te shkuar ne shkolle, te maturantet, te cilet nuk po mesojne dot asgje per provimet e Matures Shteterore, te grate, te cilat nuk kane as se ku te lahen, apo te burrat qe nuk i sigurojne dot buken familjes
Grevistet mbeten pa uje e drita
Punonjesit e Inspektoratit te Ndertimit nuk kane nderhyre per t'i nxjerre nga ambientet e greves grate, por duket se e kane bere dicka te tille ne menyre te terthorte. Pasi u kane nderprere energjine elektrike dhe ujin e pijshem, grave u kane shembur edhe banjwn. Tashme ato nuk kane se ku te kryejne as nevojat personale, pervec te tjerave
