Brace: Berisha, te sqaroje "Gerdecin"
E Premte, 16 Maj 2008
Partia Socialiste do kerkoje ne cdo seance plenare, raportimin e Kryeministrit Berisha per tragjedine e Gerdecit, korrupsionin dhe deklarimin e pasurive te zyrtareve. Per te disaten here, nenkryetari i Grupit socialist, Erion Brace, beri thirrje dje nga foltorja e Kuvendit se Kryeministri Berisha nuk mund te shmanget me, por te vije te jape llogari. "Ka mbi 60 dite qe kerkojme interpelanca, e nuk po zhvillohen. Po shkelni vazhdimisht rregulloren", u ankua Brace. Sipas tij, kreu i qeverise nuk shkel ne seance prej shume kohesh, pasi ka frike te perballet me pyetjet e opozites. "Nuk vjen Berisha, se ne aktet e qeverise, e quan Gerdecin si aksident teknologjik. Te vije ta sqaroje kete term", theksoi ai. Per minuta te tera, Brace nuk largohej nga foltorja, pa perfunduar ankesat ndaj Kryeministrit, madje debatoi dhe me Kryetaren Jozefina Topalli.
