Ekzekutohet me silenciator biznesmeni

Esad Valbona qellohet me dy plumba ne zemer, dilte nga tualeti i lokalit te basteve

Ekzekutohet me dy plumba ne zemer biznesmeni shkodran, Esad Valbona. Autori qe levizte me nje motor ka qelluar nga jashte lokalit te basteve, ndersa per krimin eshte perdorur nje pistolete me silenciator. Ngjarja ka ndodhur mbreme rreth ores 20:50 ne lagjen "Manush Alimani" te Shkodres, ose e njohur ndryshe si "Xhabije". Viktima 45- vjecar njihet si nje biznesmen qe merrej me tregtine e inerteve, pronar i tre lokaleve, nga te cilet nje per baste sportive. Policia nuk ka ndaluar asnje te dyshuar deri ne oret e vona te mbremjes, nderkohe qe per motivet e krimit dyshohet te jete nje konflikt i meparshem dhe larje hesapesh. Hetuesit investigojne nje vrasje te paramenduar dhe mendojne se eshte perdorur nje ekzekutor me pagese.

Ende pa shkuar ora 21:00 e mbremjes se djeshme, kur ne lagjen "Xhabije" kane vershuar dhjetera forca te policise. Salla operative eshte njoftuar per nje vrasje te ndodhur brenda lokalit te basteve sportive. Viktima eshte identifikuar si biznesmeni Esad Valbona, 45 vjec. Pak caste para krimit viktima ndodhej ne tualetin e lokalit dhe sapo ka dale eshte gjendur nen shenjester. Dy te shtena qe pothuajse nuk jane degjuar nga deshmitaret e kane shembur pertoke 45-vjecarin. Ekspertet mendojne se autori ka qene profesionist, pasi nuk ka hyre brenda ne lokal dhe e ka qelluar nga jashte. Sipas deshmitareve eshte pare nje motor para ekzekutimit perballe trotuarit, por nuk kane arritur te identifikojne autorin e krimit. Ekzekutimi eshte kryer me nje arme tip pistolete me silenciator, per te eliminuar zhurmen dhe mosidentifikimin e autorit.

Policia e cilesoi krimin te tipit mafioz dhe si te paguar, kurse hetimet jane perqendruar ne motivin e larjes se hesapeve dhe per shkak te nje konflikti te vjeter te viktimes. Biznesmeni Valbona njihet si pronar i tre lokaleve ne qytetin e Shkodres, por edhe per tregtine e inerteve. Ne pyetje jane marre personat qe gjendeshin ne lokal ne momentin e krimit, te cilet kane rrefyer se nuk kishin degjuar te shtena armesh, ndersa televizoret kane qene me ze te larte. Burime zyrtare thane se nuk kane gjetur ende gezhoja ne vendngjarje, ndersa ne trupin e 45-vjecarit jane konstatuar dy plage plumbi ne zemer. Hetuesit mendojne se autori ka perdorur nje motor dhe ka qene profesionist per nga menyra se si ka realizuar qitjet nga matane trotuarit te rruges perballe lokalit. "Ne e pame trupin e tij vecse kur ka rene pertoke dhe i pergjakur, pasi nuk degjuam te shtena apo te hynte ndonje person brenda", kane thene deshmitaret. Mesohet se jane shoqeruar vetem disa persona qe pas marrjes ne pyetje u lane te lire nga policia.

Pas krimit, Shkodra ne "shtetrrethim"

Drejtoria e Policise se Shkodres aktivizon rreth 100 uniforma blu per te zbuluar autorin e krimit dhe zbardhjen e ngjarjes. Qyteti verior mbreme eshte ndjere ne nje "shtetrrethim" te plote, pasi jo vetem hyrje-daljet e tij kane qene te blinduara me makina te komisariatit e efektive, por edhe rrugicat e lagjeve. Patrulla te shumta kane kryer levizje ne te gjitha rruget, ndersa ka patur edhe te shoqeruar me qellim mbledhjen e sa me shume informacioneve.

R.Ll