Paloka: Te hapen dosjet e zyrtareve

Rikthehet ne Kuvend kerkesa per hapjen e dosjeve qe flene ne Prokurori per te gjithe zyrtaret e larte te shtetit. Deputeti demokrat, Edi Paloka, tha dje ne seance plenare, qe te hapen te gjitha dosjet qe ndodhen ne prokurori per korrupsion. Te deputeteve te majte apo te djathte e gjithe zyrtareve. Ndersa Partia Socialiste bojkotoi seancen e djeshme, per te mos u pajtuar me projektligjet ekonomike te sjella si ai per "Procedurat Tatimore" apo i njohur si ligji i gjobave dhe ligji per "Falimentin". Kryetarja e Grupit socialist, Valentina Leskaj, u shpreh se PS nuk mund te marre pjese ne nje seance te tille, ku projektligje te rendesishme per biznesin kalojne pa u shqyrtuar me grupet e interesit. Largimi i opozites, beri qe votimi te shtyhet per seancen e radhes, diten e hene.

Debati mbi heqjen apo jo te imunitetit te deputeteve, rihapi dje ne Kuvend ceshtjen e ekzistences se dosjeve per korrupsion te deputeteve ne Prokurori. "Imuniteti te hiqet, si nje mase kunder korrupsionit. Por te hapen dhe te gjitha dosjet e korrupsionit qe flene ne Prokurorine e Pergjithshme, ku jane e ku s'jane", kerkoi deputeti demokrat Edi Paloka, duke u thene deputeteve te opozites se aty do te duket, se kush jane te korruptuar e kush jo. "Atehere e shohim si na dalin hesapet", tha Paloka, duke kerkuar qe te gjithe te heqin dore nga imuniteti. Ne replike te tille, socialisti Taulant Balla duke pranuar ekzistencen e korrupsionit ne cdo qeveri tha se asnje kabinet se ka cuar Shqiperine ne nje shkalle te tille korrupsioni. "Kryeministri akuzohet sot per trafik armesh, ish-ministri i Mbrojtjes akuzohet se vrau 26 persona e plagosi qindra te tjere. Qeveria juaj e ka emrin ryshfet e korrupsion", replikoi Balla. Sipas tij, ne asnje rast Shqiperia nuk ka qene e renditur pas Kamboxhias, per nivelin e larte te korrupsionit sic eshte renditur kete vit.

Partia Socialiste braktis Kuvendin per dy projektligjet ekonomike qe po diskutoheshin dje ne Kuvend. Deputetet e selise roze kerkuan me ngul shtyrjen e projekteve si ai per "Procedurat Tatimore", pasi ato nuk jane diskutuar me bizneset e grupe te tjera te interesit. "Ky qe po nxirrni eshte qendrim i ri, se ne komisione keni votuar me konsensus", u kunderpergjigj kryetari i Komisionit te Ekonomise, Edmond Spaho. "Ne nuk mund te qendrojme ketu, duke diskutuar projekte qe ende si keni konsultuar me grupet e interesit. Do te largohemi", tha kryetarja e Grupit socialist Valentina Leskaj e ndjekur dhe nga grupi socialdemokrat i Skender Gjinushit. Deputetet e ketyre dy partive, bojkotuan seancen me gjithe argumentet e ministrit te Financave, Ritvan Bode, se dy projektligjet ekonomike, si ai per procedurat tatimore dhe ai per falimentin jane per te shmangur shkeljet e bizneseve. Si dhe shmangien e tyre per te paguar detyrimet tatimore.

Topalli: Korrupsioni luftohet, pa imunitetin

Korrupsioni luftohet vetem me heqjen e imunitetit. Keshtu theksoi ne seancen e djeshme plenare, Kryetarja e Kuvendit, Jozefina Topalli. Sipas saj, reforma kryesore, e cila duhet te realizohet sa me shpejt qe te jete e mundur, eshte ajo per heqjen e imunitetit te te gjithe deputeteve, por edhe zyrtareve te larte te shtetit. Ne Kuvend ndodhet nisma e PD-se per kete ceshtje.