Atentati ndaj Ali Ahmetit, "boom" kritikash nga BE

Ambasadoret e shteteve anetare te BE-se ne Maqedoni i terhoqen verejtje dje institucioneve maqedonase per incidentet e armatosura ne fushaten zgjedhore. Incidenti me i rende u vleresua nga BE sikunder nje dite me pare dhe nga SHBA, ai ndaj Ali Ahmetit, kryetari i Bashkimit Demokratik per Integrim ne Maqedoni. Ambasadori i OSBE-se Xhorxho Radikati, ai i BE-se, Ervan Fuere dhe ambasada e SHBA-ve vleresojne se sulmet dhe granatimet e shtabeve te partive jane veprime qe kercenojne seriozisht te drejten fundamentale demokratike. "Cilado parti politike qe frikeson kandidatet dhe votuesit, nuk meriton mbeshtetje", vleresuan nderkombetaret ne Shkup.

Ministria e Brendshme ne Shkup reagoi dje, duke siguruar se "dy persona akuzohen per te shtenat kunder Ali Ahmetit". Ata dyshohen se kane te bejne me atentatin kunder eskortes se kryetarit te BDI-se, Ali Ahmeti", deklaroi MPB. Per Faruk Iljazin, gjykata e Tetoves ka dhene dje masen e paraburgimit prej 30 diteve. Ndersa i dyshuari i dyte Vullnet Xhelili, ende eshte ne arrati.

Ministrja e Puneve te Brendshme, Gordana Jankullovska, deklaroi dje se, pas masave te ndermarra te policise, eshte vleresuar se dy personat kane qene te inkriminuar drejtpersedrejti ne incidentin ne fshatin Rakovec. Por, Jankullovska ka quajtur te pabaza akuzat e partive opozitare, se gjoja policia i ka marre ne mbrojtje personat, te cilet po sulmojne shtabet zgjedhore te partive opozitare. "Akuzat e opozites nuk qendrojne. Nga policia tremben vetem ata persona te cilet jane te involvuar ne kriminalitet. Njesite policore ne asnje moment nuk jane te kycur ne incidentet e armatosura qe kane ndodhur diteve te fundit", ka deklaruar ministrja e policise, Gordana Jankullovska.

Ne lidhje me nisjen "e armatosur" te fushates elektorale per zgjedhjet e parakohshme parlamentare te 1 qershorit, ka reaguar dje dhe Presidenti i Maqedonise, Branko Cervenkovski. Ai u ka bere thirrje organeve te policise qe fuqishem t`i parandalojne incidentet e armatosura."Cdo rast i pandricuar, cdo kriminel i pa sanksionuar paraqet inkurajim per shfaqjen e dhunes se re", deklaroi Cervenkovski.

Nderkohe, Kryeministri Nikolla Gruevski, ka zhvilluar nje takim me kryetarin e PDSH-se, Menduh Thaci dhe nje bisede telefonike me kryetarin e BDI-se, Ali Ahmetin. Incidentet urgjentisht duhet te parandalohen, theksoi ai, duke siguruar me tej: "Pa marre parasysh se nga cila parti vijne shkaktaret e incidenteve, nga ajo opozitare apo ajo qeveritare, ata do te sanksionohen dhe nuk do te kene mbeshtetjen e asnje partie".