Partite serbe, ne "lufte" per te marre qeverine
E Enjte, 15 Maj 2008
Partite politike ne Serbi, po vazhdojne bisedimet "informale" per krijimin e nje qeverie. Megjithate, takimi i vetem qe eshte shpallur zyrtarisht deri tani eshte ai i lidereve te Partise Socialiste te Serbise (SPS), Partise Radikale Serbe (SRS) dhe e koalicionit te Partise Demokratike te Serbise-Serbia e Re (DSS-NS).
E perditshmja e Beogradit "Blic" ka raportuar se Partia Demokratike e Serbise dhe socialistet e ish-presidentit Milloshevic jane afer per te formuar qeverine. Raporti thote se marreveshja eshte afer firmosjes ndermjet Presidentit serb, Boris Tadic, i cili kryeson aleancen pro-evropiane, dhe liderit te socialisteve, Ivica Dacic. "Koalicioni DSS-NS dhe SRS-ja rane dakord per nje marreveshje lidhur me karakterin dhe objektivat e programit te qeverise se re kombetare te Serbise", beri te ditur dje media e Beogradit. Kurse Tadic ka kujtuar faktin se "partite e orientimit pro-evropian fituan 400 mije vota me shume se radikalet, ndaj duhet te permbushet vullneti i popullit".
Analistet mendojne se skenari me i mundshem per krijimin e qeverise mund te jete ose qe SPS-ja te hyje ne koalicion me Serbine Properendimore, e drejtuar nga Boris Tadic dhe partite e pakices, ose qe socialistet te krijojne qeverine me koalicionin DSS-NS dhe radikalet.
