Zyrtare, Ndoka kerkon shkarkimin e Mati Pepes
E Enjte, 15 Maj 2008
Pas konflikteve ne parti, por edhe ne drejtimin e institucionit te Qendres Spitalore Universitare "Nene Tereza", ministri i Shendetesise ka kerkuar zyrtarisht shkarkimin e drejtorit te ketij institucioni, Mati Pepa. Por ky i fundit ka dale hapur kunder shkreses se ministrit, duke deklaruar se emerimi apo shkarkimi i tij behet vetem nga Kryeministri. "I vetmi qe merr vendimin per emerimin apo shkarkimin tim eshte Kryeministri, dhe une do te jem ne kete detyre deri sa Kryeministri Berisha te marre nje vendim", eshte shprehur dje drejtori i QSUT-se, Mati Pepa. Nderkohe, Ministria e Shendetesise ka leshuar nje lume akuzash per drejtuesin aktual te spitalit me te madh ne vend. "Ministria e Shendetesise ben pergjegjes drejtorin e QSUT per faktin se gjate vitit qe lame pas, QSUT shenoi nje shifer rekord mosrealizimesh te investimeve, qe arrin rreth 3,5 here me pak sesa plani vjetor", thuhet ne njoftimin per shtyp te Ministrise se Shendetesise. Keshtu, MSH ka renditur nje sere tenderesh per blerjen e pajisjeve mjekesore si dhe te medikamenteve te nevojshme per kete qender. Ne shkresen e qe ka mberritur ne Drejtorine e QSUT-se theksohet se vendimi per shkarkimin e Pepes eshte marre duke pasur parasysh edhe levizjet qe i ka bere personelit, si dhe konfliktet qe ka pasur me profesoret. "Greva e fundit e stafit universitar dhe kritikat e shumta adresuar QSUT jane rezultat i kesaj gjendjeje, pergjegjesia eshte e drejtuesve dhe e drejtorit te QSUT. Per me teper, gjate gjithe periudhes se greves u largua me pushime afatgjata, duke mos vendosur asnje linje zyrtare komunikimi me stafin pedagogjik", thuhet ne shkresen e shkarkimit te Pepes. Ndersa ky i fundit ka akuzuar drejtpersedrejti ministrin Ndoka, si pengesa kryesore per mosrealizimin e 11 tendereve te nisur nga QSUT.
Kandidaturat per drejtor te QSUT
Menjehere pas shkreses se derguar ne Kryeministri per shkarkimin e drejtorit te QSUT-se, Mati Pepa, ministri i Shendetesise ka propozuar ne te njejtin institucion edhe dy kandidaturat e reja per kete post. Perseri dy emrat e propozuar jane jashte fushes se mjekesise, por punonjes aktuale ne Ministrine e Shendetesise. Eshte pikerisht drejtori Ekonomik ne MSH, Sajmir Kadiu dhe drejtori Juridik, Sokol Frroku.
