S'e lane ne feste, vetevritet
E Merkure, 14 Maj 2008
Gezim Ashimi
Nje e mitur nga rrethi i Korces eshte vetehelmuar pas nje grindjeje ne familje. Burime nga Drejtoria e Policise se Qarkut te Korces bene te ditur dje se 15-vjecarja me iniciale D.G., banore e fshatit Pojan, te rrethit te Korces, i ka dhene fund jetes, pasi familja nuk e lejoi te merrte pjese ne nje feste te organizuar nga bashkemoshataret e saj ne fshatin Pojan. Ngjarja ka ndodhur mbremjen duke u gdhire dita e djeshme. Rreth ores 20:30 te mbremjes, 15-vjecarja eshte sjelle nga familjaret ne spitalin rajonal te Korces. Burime nga personeli mjekesor bene te ditur se perpjekjet e mjekeve kane qene te kota, pasi vajza ka nderruar jete gjate transportit drejt spitalit. "Me te mberritur ne pavijonin e intoksikimit, mjeket dhe infermieret u munduan te sjellin ne jete vajzen, por te gjitha perpjekjet rezultuan te kota, bene te ditur dje, per "Koha Jone", burime nga spitali rajonal i Korces. Trupi i vajzes kishte nisur te ftohej dhe ajo nuk reagoi ndaj perpjekjeve te mjekeve". Me pas, trupi i te mitures u dergua ne morgun e spitalit, per t'iu nenshtruar autopsise. "Ndonese nuk kane dale rezultatet zyrtare te autopsise, paraprakisht mendohet se vdekja eshte shkaktuar nga perdorimi gojor i nje helmi te fuqishem", thane dje burime nga Drejtoria e Policise se Qarkut te Korces. Uniformat blu nisen verifikimet e rastit, duke filluar me marrjen ne pyetje te familjareve, tub cilet treguan se gjithcka nisi nga refuzimi i tyre per ta lejuar te shkonte ne nje feste. Vajza ka insistuar, duke u thene prinderve se nuk kishte asgje te keqe ne nje feste te tille, aq me teper qe do te merrnin pjese edhe pjesa me e madhe e bashkemoshatareve te saj, por ka ndeshur ne qendrimin e palekundur te prinderve. Ne keto kushte, e mitura ka hyre ne dhomen e saj, pasi ka marre me pare nje preparat bujqesor qe ishte blere nga prinderit disa dite me pare ne farmacine bujqesore. "Ishte nje helm qe perdoret per sperkatjen e drufrutoreve, te cilin babai i saj e kishte blere per te trajtuar pemet", thane burimet. Vajza ka tretur pluhurin ne nje gote uji dhe e ka gelltitur te gjithin. Disa minuta me vone ka nisur te ndjeje shqetesimet e para. Teksa prinderit kane hyre ne dhomen e saj, kane pare 15-vjecaren D.G., te perpelitej pertoke me shkumen qe i dilte nga goja. Ata jane nisur me urgjence drejt spitalit rajonal te Korces, por tashme ishte teper vone. E mitura nuk ka mundur te mberrije e gjalle ne duart e mjekeve. Ngjarja ka bere qe ne shtepine e saj te celet morti, ndersa policia vendore ka nisur hetimet per vepren penale te "shkaktimit te vetevrasjes", hetime te cilat nuk kane ende asnje te dyshuar.
Hetimet, grindja per festen
"Nga verifikimet e para, mendohet se vajza ka pire nje helm qe perdoret ne pemetari per sperkatjen e drufrutoreve", thane burime policore, te cilat shtuan se shkaku i vetehelmimit duhet kerkuar ne gjendjen e renduar emocionale te vajzes. Sipas policise, behet fjale per nje mosmarreveshje ndermjet 15-vjecares dhe prinderve per te shkuar ne nje feste qe organizohej ne fshat.
