Studentet e rinj, nuk ndryshohet dega

Studentet e viteve te pra, qe nuk jane te kenaqur me degen ku vazhdojne studimet, nuk kane asnje te drejte qe ta nderrojne ate. Nuk behet fjale per faktin se nuk u njihen provimet e vjetshme te Matures Shteterore, por per nje gje akoma me te rende. Ata nuk kane te drejte qe ta lene shkollen ne mes dhe te japin serish provimet me zgjedhje. Ne kete menyre, ata s'kane kurrfare te drejte qe te tentojne te permiresojne degen, sepse jane te "denuar" te mbajne ate qe fituan gjate vitit te kaluar.

Vendimi

Pyetjes se maturanteve nese kishin shanse te tentonin permiresimin e deges, Ministria e Arsimit i eshte pergjigjur "JO!". Shume prej tyre jane interesuar te dine nese mund t'i jepnin edhe nje here provimet e Matures Shteterore, me qellim qe te konkurronin per te fituar ndonje dege tjeter qe e kishin me shume per zemer. Megjithate, duket se Ministria e Arsimit as qe e ka ndermend qe t'ua jape nje shans te tille. Ne fakt, ata brenda te gjitha rregullave kane deklaruar se do te benin cregjistrim ne fakultetin ku aktualisht ndjekin studimet ne vitin e pare dhe me pas te jepnin provimet e Matures Shteterore te sivjetme dhe ne kete menyre te tentonin te shpalleshin fitues. Por ata kane marre pergjigje negative nga specialistja Suzana Tabaku. Ajo u ka shpjeguar studenteve se ne baze te rregulloreve dhe udhezimeve ne fuqi, ata s'kishin te drejte ta benin nje gje te tille.

Diskriminimi

E vetmja fjale qe u ka ardhur ndermend maturanteve teksa kane marre pergjigje negative ndaj kerkeses per te nderruar degen, ka qene fjala "diskriminim". Sipas tyre nuk eshte aspak e drejte qe atyre t'u mohohet shansi per te te provuar edhe nje here veten me qellim qe te ndjekin studimet ne nje dege me te mire dhe per me teper qe te favorizoje studentin ne tregun e punes. Keshtu, ata mbetet qe te vazhdojne studimet ne degen ku kane fituar vjet, ose te ngelen fare pa shkolle. Dhe ne fakt, pasojat e fillimit te studimeve vetem per te mos ngelur pa shkolle te larte, u vune re sidomos ne deget e Fakultetit te Gjuheve te Huaja, ku rreth 90 per qind e studenteve jane mbetes ne te pakten tri lende. Edhe ata e kane pohuar nje gje te tille, duke u shprehur se kishin zgjedhur x dege vetem e vetem qe te mos mbetnin pa nje shkolle te larte. Niveli i nxenesve mbetes eshte me i larte ne vitet e para, pikerisht aty ku duken pasojat e te filluarit te studimeve ne nje dege qe maturanti nuk e ka pelqyer.

Fenomeni

Numri i studenteve, te cilet jane te persekutuar qe te mos e nderrojne degen, por te ndjekin studimet aty ku jane, eshte shume i madh. Vetem ne faqen online te Ministrise se Arsimit, linku i Matures kjo ka qene tema qe i ka shqetesuar me shume studentet e viteve te para. Shume prej tyre shpresojne ne ndonje leshim nga ana e Ministrise se Arsimit dhe Shkences, por me sa duket kesaj te fundit i mjafton fluksi i maturanteve qe do te aplikoje kete vit per deget qe permban formulari A2. MASH deklaroi dje se ky formular nuk do te kete ndryshime dhe se edhe numri i zgjedhjes se preferencave gjithashtu nuk do te ndryshoje, por do te mbetet po 10. Ndersa specialistet keshillojne maturantet qe te jene me objektive ne zgjedhjet e tyre, ne menyre qe te mos perfundojne duke studiuar ne ndonje dege, per te cilen me vone do te pendohen. Ata u sugjerojne maturanteve qe te zgjedhin deget ku mund te ndihen me te afte per t'u shpallur fitues.

Kuotat e universiteteve, MASH nuk i miraton

Ministria e Arsimit dhe e Shkences nuk ka miratuar ende kuotat e pranimeve ne universitetet per vitin e ardhshem akademik. Edhe pse vendimin per numrin e kuotave e merr Keshilli i Ministrave, duhet te jete Ministria e Arsimit ajo qe do te beje propozimet, te bazuara edhe ne kapacitetet ne stafe akademike dhe auditore. Burime nga MASH shprehen se specialistet ende nuk kane rene ne ujdi per numrin e kuotave qe do t'i propozohet qeverise. Megjithate, sipas tyre nje gje eshte e sigurt: ky numer nuk do te jete me i ulet se vitin e kaluar. Mundesia e vetme eshte qe numri te jete i barabarte se me i madh. Drejtori i Arsimit te Mesem ne MASH, Ndricim Mehmeti, deklaroi pak dite me pare, per "KJ", se jane bere kerkesa per shtimin e numrit te degeve, sidomos neper rrethe. Rrjedhimisht i bie qe te shtohet numri i kuotave te pranimit qe do t'i propozohet qeverise per vitin akademik 2008-2009. Megjithate eshte ende heret per te marre nje vendim mbi kete ceshtje.