Pensionet false, si funksiononte skema

Sonila Isaku

Skema e funksionit te pensioneve te padrejta po shkon drejt zbardhjes perfundimtare, ne menyre qe te perjashtohen nga perfitimit te gjithe abuzuesit. Tashme, Instituti i Sigurimeve Shoqerore, eshte duke perfunduar verifikimin e te gjitha dosjeve te pensioneve dhe pritet qe brenda nje kohe te shkurter te publikohet rezultati perfundimtar. Megjithate, vetem ne Drejtorine rajonale te Tiranes, jane konstatuar edhe 418 raste te tjera perfitimesh te padrejta, te cilat jane derguar per kallezim penal ne prokurori.

Ne konferencen e djeshme te shtypit, drejtori i DRSSH-se, Tirane, Ilir Goci, beri publike edhe 418 raste te tjera perfitimesh te padrejta me nje dem ekonomik qe arrin ne rreth 314 milione leke. "Dua te theksoj se demi mesatar mujor qe i shkaktohet skemes se sigurimeve shoqerore nga keto abuzime arrin ne rreth 2 milione leke", deklaroi Goci. Sipas tij, te gjitha keto raste ishte perfitime qe ishin siguruar nga falsifikimi i dokumenteve te identifikimit, pra i certifikatave dhe jane derguar per kallezim penal ne prokurori. Nderkohe, rreth 3 jave me pare u be publik fakti se jane derguar per kallezim penal ne prokurori 218 perfitues, nga 399 dosje qe u pezulluan pas kontrollit qe iu bene 1737 dosjeve te ish minatoreve qe trajtohen me trajtim te vecante. Efekti financiar per keto dosje te pezulluara arrin ne rreth 136 milione leke, nderkohe qe po vazhdon procesi edhe me tej. Por, nuk jane vetem dosjet e ish-minatoreve qe i jane nenshtruar kontrollit, pasi te gjitha llojet e pensioneve ne pergjithesi po u nenshtrohen ketij procesi. Keshtu si pasoje e ketyre kontrolleve jane arritur te zbulohen se edhe 109 raste perfitimesh te padrejta ne pensionet e pleqerise.

Pavaresisht 419 rasteve te evidentuara qe perfitonin pension ne menyre abuzive, Goci paraqiti para medieve, disa raste tipike te abuzimit nga ana e perfituesve. "Jane te pakten tete 8 raste te tjera flagrante, ku figurojne persona te njejte, por me emra te ndryshem, te cilet perfitojne pensione ne dy arka paguese te ndryshme", theksoi Goci. Duke shpjeguar menyren e perfitimit, ai nenvizoi se rezulton e njejta fotografi ne dy certifikata, por me gjeneralitete te ndryshme. "Sipas verifikimeve qe specialistet tane kane bere prane zyrave te gjendjeve civile ku rezulton e leshuar ajo certifikate, figuron se njeri emer, pra njeri person, eshte i rreme dhe pagesa merret ne menyre abuzive", vazhdoi ai. Nderkohe si mase te pare qe eshte marre pas konstatimit te ketyre pensioneve fallto, jane larguar nga puna punonjesit qe rezultojne te jene perfshire ne lidhjen dhe dhenien e ketyre pensioneve. Tashme te gjitha keto te dhena i kane kaluar prokurorise, e cila po vazhdon hetimet. "Ne kuader te ketyre masave, dua te theksoj se kemi pushuar nga puna 30 punonjes, 14 prej tyre kane pasur lidhje te drejtperdrejta me pensionet, ndersa 16 te tjeret jane larguar per leshime vertetimesh false si dhe per diploma false", vazhdoi Goci. Nderkohe qe ai u beri thirrje te gjithe perfituesve te paligjshem qe te paraqiten prane Drejtorise Rajonale te Tiranes per te rikthyer shumat e perfituara padrejtesisht.

Prokuroria, 10 ceshtje penale

Prokuroria e Rrethit Gjyqesor Tirane gjate ketij viti ka derguar per shqyrtim gjyqesor me dhjetera ceshtje penale qe kane te bejne me abuzimet me pensionet e pleqerise. Burime nga kjo prokurori bene te ditur te marten se hetimet mbi keto ceshtje kane provuar perfitimin e pensionit te pleqerise permes dokumenteve te falsifikuara nga persona te ndryshem. Personat qe pretendohet se jane pergjegjes per keto abuzime jane ne procese gjykimi ne Gjykaten e Shkalles se Pare Tirane.

Perfitimet e padrejta, ja llojet e abuzimeve

Gjate procesit te verifikimit te te gjitha dosjeve te pensioneve nga ISSH-ja jane konstatuar nje sere shkeljesh, te cilat kane te bejne kryesisht me falsifikim dokumentacioni nga ana e perfituesve abuzive. Mesohet se kryesisht keto abuzime kane te bejne me korrigjime te periudhave ne regjistrat themeltar (data, muaji, viti) si dhe dublime te periudhave te punes. Por eshte konstatuar gjithashtu se ne dosjet me probleme jane hasur edhe mosperputhje te vertetimit te diteve te punes ne Kooperativat Bujqesore te dorezuara ne dosje me regjistrat ekzistues te dorezuar me pas ne arshiven e DRSSH-se Tirane. Nderkohe qe gjate verifikimit te regjistrave themeltare, ka mos ekzistence e emrit te perfituesit ne indekset e ndermarrjeve apo minierave. Pikerisht per kete arsye, iu eshte kerkuar te gjithe personave te cileve iu eshte pezulluar dosja per marrjen e pensionit, qe te rikonfirmojne dokumentet e paraqitura ne dosje. Duke e konsideruar te domosdoshem procesin e transparences ne kete sektor, Goci vuri ne dukje se, "procesit te verifikimit po i nenshtrohen te gjitha llojet e pensioneve, pasi pastrimi i skemes nga perfitimi i paligjshem nuk eshte vetem nje detyre ligjore, por edhe nje respekt ndaj te gjithe atyre qe kane kontribuar realisht". Nga ana tjeter vendimi per nderprerjen apo vazhdimin e pensionit, i cili eshte pezulluar do te behet vetem pasi personat te jene ballafaquar me dokumentet e dosjeve te tyre. Keshtu, ne kete kuader, te gjithe ata persona qe rezultojne me mangesi ne dokumentacion jane thirrur per te dorezuar dokumente te tjera shtese qe jane te nevojshme per te vertetuar se perfitimi eshte i drejte.