Pastrimi i parave, hetim transfertave

Rozeta Rapushi

Komisioni parlamentar i Ligjeve ra dakord dje qe te hetohen te gjitha transferimet e parave qe behen ne banka mbi vleren e 1,5 milione lekeve. Me shumice votash, ky komision miratoi projektligjin e qeverise per "Parandalimin e pastrimit te parave", i cili do te monitoroje tashme cdo shume qe qarkullon mbi 1.5 milione leke. Ndonese dje ky komision perbehej vetem nga deputete te mazhorances, pasi per cudi nuk ndodheshin deputetet e majte, serish u perfshi nga debatet. Deputete te mazhorances si Eris Hoxha e Spiro Peci kerkuan qe ne projektligj te percaktohej qe dhe noteret e avokatet ta kene si detyrim ligjor deklarimin e transferimeve te tilla. Pasi ndryshe nuk mund te quhet plotesisht lufte kunder korrupsionit e parave te pista. Por sugjerimet e tyre nuk u moren parasysh.

Deputetet e djathte ne Komisionin e Ligjeve kerkuan dje qe te ashpersojne akoma me shume masat per pastrimin e parave. Spiro Peci sugjeroi qe jo vetem bankat te jene ato qe duhet te deklarojne te gjitha transferimet e parave qe behen ne vleren 1,5 milione leke, por dhe noteret e avokatet. "Eshte e nevojshme, pasi ata kane ne dore informacione te tilla dhe ne ta percaktojme ne ligj nje detyrim te tille", tha Peci. Ai u mbeshtet dhe nga deputeti Eris Hoxha, i cili sugjeroi permiresime te tilla ne menyre qe te monitorohen shuma ate tilla parash qe qarkullojne, ne menyre qe te vertetohet nese behet fjale per pastrim parash apo jo. Por, sipas specialisteve te qeverise, prane zyres antikorrupsion, nisma ligjore eshte ne perputhje me rekomandimet e konventave nderkombetare, e nuk ka nevoje per ndryshime te tjera. Per pasoje, komisioni nuk mori parasysh sugjerimet e deputeteve dhe e miratoi projektligjin ashtu si e solli qeveria.

Ne projektligjin e qeverise per parandalimin e pastrimit te parave, parashikohen masa kontrolli dhe hetime per te gjitha transferimet e parave qe behen ne banka mbi vleren 1,5 milione leke. Hetim ky qe do te kryhet per te verifikuar nese shuma te tilla qe qarkullojne ne bankat shqiptare apo jashte tyre kane te bejne apo jo me pastrimin e parave apo financimin e terrorizmit. Sipas projektligjit te qeverise, bankat, kompanite e sigurimeve, bursat apo fondet e pensioneve jane te detyruara te raportojne ne rast se do te kete levizje parash mbi shumen prej 1,5 milione lekesh. Ketij raportimi nuk do i shpetojne dhe persona te tjere, qe mund te kene dijeni me levizje te shumave te tilla parash si avokatet, noteret apo institucione te tilla si hipotekat. Por keta nuk e kane te detyrueshem. "Te gjitha keto institucione kur kane dyshime se transaksioni mund te perfshije pastrim parash ose financim terrorizmi, duhet t'ia raportoje menjehere ceshtjen autoritetit pergjegjes dhe te kerkoje udhezime, nese duhet ta kryeje apo jo transaksionin", thuhet ne projekt. Te drejten per te informuar me detyrim do e kene dhe doganat dhe tatimet. Ato duhet te raportojne ne rastet kur dyshojne se behet fjale per pastrim parash. Ndersa Zyra Qendrore e Regjistrimit te Pasurive te Paluajtshme raporton regjistrimin e kontrates se tjetersimit te prones, me nje vlere te barabarte ose me te madhe se 6 milione leke ose kundervleren e saj ne monedha te tjera, te huaja.