Moda e viteve '30-te me Rezarta Skifterin
E Marte, 13 Maj 2008
Hotel Sheraton u kthye ne nje pasarele, ku u shfaqen modelet jo te zakonshme shqiptare "Haute Couture 2008" te Rezarta Skifterit ne nje monitor, imazhet te ftonin ne boten e viteve '30-te. Ngjyra te embla, delikate, efekte te forta, bizhu, fjongo, lule, gure te shdritshem, dantella, flutura... e shume e shume detaje te tjera qe i perkasin deri-diku stilit te viteve '30-te. Keshtu e pati konceptuar sfilaten e saj te radhes Rezarta Skifteri, e cila mbremjen e djeshme, ne pasarelat e ngritura ne Hotel Sheraton paraqiti plot 40 veshje si koleksionin e saj te ri Haute Coutore 2008. Kete here Skifteri ka vendosur te cudise me stilin qe prek shume detaje te viteve '30-te. Vendosi te sjelle mbi pasarela femren sensuale, trasparente, te portretizuar bukur jo vetem me 40 veshjet e saj por dhe me te gjithe aksesoret, bizhute, kepucet e sandalet te cilat gjithashtu jane te stiluara nga duart e saj. Pra ne kete koleksion gjithcka eshte "Made in Skifteri" dhe e punuar me dore. Nga skicat e saj ne letra, per fustanet, zhuponet, fjongot, lulet, bizhute, sandalet, tylerat... puna ka vijuar me vrull ne sallen e rrobaqepesise ne ateliene e saj, ne kapanonin e madh te fabrikes se kepuceve, ku u realizuan sandalet e keshtu me radhe.
Ndaj per krijimin e ketij koleksioni stilistes i jane dashur plot 3 muaj pune. Materiali qe ka perdorur Skifteri ne kete koleksion eshte: zhupon, tylera transparente te kuruara me dore, tafta, coha metalike... Ngjyrat mbizoteruese: roze antike, nuancat e bojeqiellit e gurekalit, viola e lehte. Jane perdorur dhe efektet e se zezes, sfumaturat e se bardhes dhe panes. Ndersa bizhute e duarve dhe kokes jane te gjitha te punuara me dore. Pjesa me e mire e tyre dhe me gure svarovsky. Sfilaten e saj te pare Skifteri e realizoi nga bankat e Liceut Artistik, kur maturen do ta mbronte me nje sfilate te vertete me veshje mbremjeje. Keshtu do te vepronte dhe kater vjet me pas, kur do te mbronte, gjithashtu me nje sfilate te vertete diplomen e Akademise se Arteve. Ne kete sfilate, ajo do te cudiste jo pak me veshjet e realizuara, duke perdorur filma, shkarpa, copa gazetash e shume detaje te tilla te cuditshme. Ndersa nuk ishte vecse 22 vjece. Ndersa pedagoget dhe rektori i Akademise ne ato kohe do ta pergezonin studenten qe kishte guxuar e para te mbronte diplomen me nje spektakel te vertete. Nderkohe qe stilistja e re i kishte pushtuar spektaklet televizive me fantazite e saj. Me 1995 ishte prezantuar si stiliste, ne sfilaten qe u realizuar ne kete vit ne Teatrin Kombetar. Ne vitin 1999, prezantoi Shqiperine ne nje sfilate ne Ukraine ku merrnin pjese 12 stilistet me te mire nga bota, te grupmoshes nga 20 deri ne 30 vjec. Nje vit me pare prezantoi koleksionin e saj ne "Javen e modes shqiptare" dhe ja ku eshte serish me koleksionin e saj te ri.
Modelet e Skifterit, femra VIP
Modelet qe ka zgjedhur per te prezantuar 40 veshjet e saj, qene vajzat e njohura te pasarelave. Krahas Linda Podes qene edhe Jorida Malltezi, Silvi Skenderaj, Rezarta Shkurta, Orinda Huta etj. Keto modele, ndryshe nga sfilata e shkuar nuk sollen ne pasarela femren e forte, te mbuluar me zinxhire e precina por femren sensuale, te brishte, te zhytur ne luks. Ashtu sic kane qene pak a shume femrat e viteve '30-te. Stil te cilit stilistja i eshte referuar per krijimin e shume detajeve dominuese ne koleksionin e saj "Haute Couture 2008". E ne luksin e Hotel Sheraton s'mund te mungonin njerezit e spektakleve, te ftuar te stilistes, por njekohesisht edhe personazhe, te cileve iu ka kuruar imazhin gjate shfaqjeve te tyre ne publik.
