SHBA-BE, pro fituesve ne Serbi
E Marte, 13 Maj 2008
Shtetet e Bashkuara dhe Bashkimi Evropian kane pershendetur mbajtjen e zgjedhjeve te lira dhe te ndershme ne Serbi, si dhe fitoren e bllokut pro-evropian. "Zgjedhesit serbe treguan qarte se zemra e tyre eshte ne Evrope", thuhej ne deklaraten e ambasades amerikane ne Beograd. Kurse shefi i diplomacise evropiane, Javier Solana, ka kerkuar "krijimin sa me te shpejte te qeverise, e cila duhet te jete e angazhuar per reformat qe cojne drejt Evropes". Solana ka shtuar se Serbia tani eshte ne nje pozite qe mund te perparoje shpejt.
Sllovenia po ashtu, si vend kryesues i radhes i Bashkimit Evropian, eshte shprehur e kenaqur me fitoren e bllokut te partive pro-evropiane ne zgjedhjet parlamentare ne Serbi. Shefi i diplomacise sllovene, Dimitrij Rupel, tha se fitorja e forcave pro-evropiane ne Serbi ka qene synim edhe i Brukselit. Edhe ministrat e jashtem te Gjermanise, Frances e Suedise e kane pershendetur fitoren e bllokut te partive te quajtura pro-evropiane. OSBE-ja qe vezhgoi zgjedhjet, tha se votimet u organizuan "ne menyre profesionale".
Nderkohe BE apeloi dje qe te krijohet pa vonese qeveria serbe. Shefi i diplomacise evropiane, Javier Solana, ka kerkuar "krijimin sa me te shpejte te qeverise, e cila duhet te jete e angazhuar per reformat qe cojne drejt Evropes". Solana ka shtuar se Serbia tani eshte ne nje pozite qe mund te perparoje shpejt.
Ne pergjigje te apelit te BE-se, ka folur dje, pasdite, Presidenti serb, Tadic. Ai ka paralajmeruar formimin e qeverise shume shpejt, duke shtuar se blloku i tij ka fituar per te ardhmen evropiane te Serbise. "Kjo eshte nje fitore e madhe per Serbine, per demokracine ne Serbi dhe per te ardhmen evropiane", ka vleresuar Boris Tadic.
Por analistet u shprehen mbreme se formimi i qeverise nga Tadic eshte i rrezikuar nga perpjekja e radikaleve dhe nacionalisteve per te bere grupazhe votash ne perpjekje per te ngritur nje kabinet qeveritar, me pare se presidenti aktual. "Ndonese rezultatet e nxjerra nga vezhguesit dhe ato te dala paraprakisht nga komisioni zgjedhor ne Beograd, evidentojne se blloku pro-evropian i Presidentit Boris Tadic ka fituar 39 per qind te votave. Kjo shifer eshte dhjete per qind me shume se Partia Radikale e Serbise qe ka marre 29 per qind. Por lideri i radikaleve, Tomislav Nikoliq, megjithate, ka paralajmeruar se partia e tij, se bashku me aleatet e saj, mund te formoje qeverine e re", evidentojne ekspertet politike. Te dhenat jozyrtare thone se koalicioni i partive nacionaliste, se bashku mund te mbledhe afer 50 per qind te 250 vendeve te Kuvendit te Serbise.
Zgjedhjet serbe ne shifra
Rezultatet e Qendres per zgjedhje te lira dhe demokraci (CeSID), Partia e Tadicit me aleatet (me 103 deputete) ka lene ne vendin e dyte Partine Radikale Serbe te Tomislav Nikoliqit me 28,5 per qind (76 deputete) dhe bllokun e nacionalisteve te Kryeministrit Vojislav Koshtunica me 11 per qind (30 deputete). "Koalicioni i Tadicit ka fituar bindshem keto zgjedhje", tha zedhenesi i CESID-it, Zoran Lucic, duke evidentuar se pjesemarrja ishte me pak se 60 per qind. Socialistet kane marre 8 per qind te votave, ndersa liberalet e Cedomir Jovanovicit kane kaluar pragun zgjedhor prej 5,2 per qind. Megjithekete, ende mbetet e paqarte nese partia e Presidentit Boris Tadic do te jete ne gjendje qe te formoje qeverine e re me partite e vogla, apo nese radikalet, koalicioni i Koshtunices dhe Partia Socialiste e ish-presidentit te Serbise, Sllobodan Milloshevic, do te bejne perpjekje per ta formuar qeverine kunder Tadicit.
Shqiptaret fitojne nje vend ne parlamentin serb
Koalicioni i Shqiptareve te Lugines se Presheves ka fituar 18553 vota ne zgjedhjet e djeshme parlamentare ne Serbi. Ndaj, shqiptaret e Lugines se Presheves, do te perfaqesohen ne Kuvendin Republikan serb me nje deputet. Deputeti i vetem shqiptar ne Kuvendin Republikan do te jete bartesi i listes se Koalicionit, Riza Halimi, kryetar i Partise per Veprim Demokratik. Kjo parti ka fituar dhe numrin me te madh te votave ne zgjedhjet lokale per komunen e Presheves. Halimi ka qene deputet edhe gjate mandatit te kaluar.
