Statistika me te sakta, Banka marreveshje me INSTAT
E Marte, 13 Maj 2008
Permiresimi i shifrave per te dhene statistika me te sakta, ka qene ne qender te nje marreveshjeje mirekuptimi qe nenshkroi dje Guvernatori i Bankes se Shqiperise, Ardian Fullani dhe drejtoresha e Institutit te Statistikave (INSTAT), Ines Nurja. Nepermjet zbatimit te ketij memorandumi, Banka e Shqiperise do te rrise numrin e produkteve statistikore qe merren nga INSTAT-i, ne kuadrin e vleresimeve te fazes se re te zhvillimit ekonomik ne te cilen po hyn vendi. Ne te njejten kohe, zbatimi i ketij memorandumi do t'i mundesoje INSTAT-it pasurimin e metejshem te spektrit te te dhenave statistikore me te dhena nga sektori financiar dhe sektori i jashtem, te cilat prodhohen nga Banka e Shqiperise. Ne fakt, sipas vleresimeve te institucioneve financiare nderkombetare, Shqiperia eshte vendi me statistikat me dobeta ne Evrope. Plotesimi me saktesi i kerkesave te paraqitura ne kete marreveshje perben nje baze te mire edhe per plotesimin e nje sere detyrimeve qe kane statistikat shqiptare, per te permbushur standardet nderkombetare. Ne memorandum percaktohen detyra konkrete per plotesimin me saktesi te kerkesave te shtruara nga projekti i "Standardeve te Specializuara te Shperndarjes se te Dhenave" (Special Data Dissemination Standard - SDDS Project) te Fondit Monetar Nderkombetar, qe do te mundesoje nga ana statistikore perfshirjen e Shqiperise ne tregjet financiare nderkombetare.
