Ekspertet: Ja pse vdiq Matilda Petriti
E Marte, 13 Maj 2008
Artan Cena
Zbardhet raporti i Mjekesise Ligjore per vdekjen e adoleshentes nga Korca pas operacionit ne bajame ne nje klinike private. Dje institucioni ka postuar relacionin zyrtar drejt Prokurorise se Tiranes. Vdekja e 17-vjecares Matilda Petritit, ka ardhur si pasoje e gabimit te mjekut, si dhe moskujdesjes ne spital. Nje gabim i vogel gjate operacionit, neglizhenca per hemorragjine apo kujdesin ne spital nga mjeket roje te Spitalit Francez. Por, sipas raportit, mesohet se ka pasur edhe nje pakujdesi nga vete vajza qe ka konsumuar lengje te nxehta, duke ngacmuar plagen dhe nxitur hemorragjine me tej. Rezultatet e raportit te Institutit te Mjekesise Ligjore jane derguar dje ne Prokurorine e Tiranes, e cila ka nisur hetimet ne lidhje me vdekjen e adoleshentes nga Maliqi i Korces, duke kerkuar pak dite me pare dhe pezullimin e mjekut Xhevahir Hoxhallari dhe dy kolegeve te tij. Sipas raportit, mesohet se gjate operacionit te Matilda Petritit jane bere gabime, pasi mjeku ka levizur me pak milimetra, ne vendin ku duhej bere operimi. Nderkaq, jane tre mjeket qe priten te paraqiten para drejtesise, pasi, sipas te dhenave, do te akuzohen per "mjekim te pakujdesshem". Analizat dhe autopsia e Matilda Petritit gjenden ne duart e organit te akuzes, qe do te shprehen per pozicionin e metejshem te bluzave te bardha, qe akuzohen edhe per pakujdesi ne ekzaminimin e gjendjes se vajzes para operacionit dhe pas tij. Nderkohe qe, mjeket eksperte dyshojne se viktima mund te kete acaruar plagen, duke pire lengje te ngrohta, ose duke u kollitur forcerisht, dhe me pas gjithcka ka perfunduar tragjikisht. Por, gjithsesi, zyrtarisht ende nuk ka asnje perfundim nga ekspertiza mjeko-ligjore. Cdo qelize dhe ind i viktimes i eshte nenshtruar ekzaminimeve laboratorike, nepermjet te cilave pritet te zbulohet arsyeja e shperthimit te hemorragjise 4 dite pas operacionit. Kete fakt e pohon edhe drejtori i Institutit te Mjekesise Ligjore, Besim Ymaj. Nderkohe qe rezultatet e metejshme do te nxjerrin ne pah perse viktima ka pesuar hemorragji dhe nese gjithcka ka ardhur si rezultat i pakujdesise se bluzave te bardha.
Mati Pepa: "Mjeket do pushohen nese jane fajtore"
Mjeku Xhevari Hoxhallri dhe dy koleget e tij te cilet kane mjekuar Matilda Petritin do te pezullohen nga puna dhe do tu hiqet licenca e ushtrimit te profesionit nese rezultojne te jene shkaktaret per vdekjen e saj. Ky ka qene deklarimi qe ka bere drejtori I Qendres Spitalore Universitare "Nene Tereza" ne diten kur prokuroria eshte duke u marre me kete ceshtje. "Jam duke pritur raportin qe do te sjelle grupi i eksperteve te QSUT-se persa i perket vdekjes se Matilda Petritit. Pasi te njihem me perfundimet e tij atehere do te merren masat per mjeket te cilet e kane operuar dhe mjekuar 17 vjecaren" ka pohuar Pepa. Nderkohe qe te tre mjeket vazhdojne te punojne ne QSUT edhe pas vdekjes se vajzes, por do te jete raporti mjeko-ligjor ai qe do te vendose per fatin e profesionit te tyre. Nderkohe qe deri me tani me kartelat e pacienteve rezultojne edhe raste te tilla te abuzimit kur mjeket pershkruaje si nje komplikacion te operacionit apo reagim negativ te organizmit. Ky manipulim, eshte i vlefshem per sa kohe qe viktima nuk i nenshtrohet autopsise.
Hoxhallari: "Pres mjekesine ligjore, jam pa faj"
Dje ndersa mjekesia ligjore ka dorezuar ne prokurori nje pjese te ekspertizes mbi vdekjen e 17 vjecares nga Maliqi i Korces, edhe vete mjeku Hoxhallari ka pritur nje pergjigje. Sipas tij, do te jete ajo cka ekspertet do te pohojne qe do te vendose mbi fatin e tij. "Edhe une vete jam ne pritje te kesaj pergjigjeje por them se jam pa faj pasi operacioni eshte kryer ne rregull" ka pohuar Hoxhallari. Nderkohe qe ky i fundit vazhdon qe te ushtroje profesionin e vet ne Qendren Spitalore Universitare "Nene Tereza" por ne kliniken private ne Pogradec e cila eshte perfshire ne hetim.
