Matura, ndryshon korrigjimi testeve

Ndryshon skema per korrigjimin e provimeve te Matures Shteterore. Ndryshe nga vitet e kaluara, ky proces nuk do te kryhet me me ane te lexuesit optik, por ne menyre manuale. Sipas drejtorit te Agjencise Qendrore te Vleresimit dhe Arritjeve (AVA), Edmond Lulja, nje gje e tille ndodh per shkak te futjes se pyetjeve me zhvillim ne te gjitha provimet e Matures. Kesisoj, lexuesi optik nuk mund ta asimiloje testin, per shkak se pergjigjet e sakta te nje pyetjeje me zhvillim kane nevoje per nje korrigjim me dore, nisur nga specifika e tyre.

Skema e re

Skema e vjetshme e korrigjimit eshte permbysur. Gjithcka ishte shume e kollajte. Krahas me testin, specialistet pergatisnin edhe skemen e qortimit, e cila permbante ne vetvete pergjigjet perkatese. Keshtu, testi i maturantit "skanohej" ne lexuesin optik dhe numri i pikeve dilte ne menyre automatike, duke i qendruar besnik skemes se qortimit. Ndersa sivjet gjithcka do te jete ndryshe. Kjo per shkak te futjes se pyetjeve me zhvillim. Do te jene jo pak por pothuaj gjysma e pyetjeve, te cilat jane hartuar ne menyre te tille qe pergjigjja e maturanteve te shpjegohet nga ta. Keshtu, testi i provimeve te Matures Shteterore per Matematiken dhe Letersine do te kene secili nga 12 pyetje me zhvillim. Ndersa sa u perket lendeve me zgjedhje, secila prej tyre do te kete nga 10 pyetje me zhvillim. Drejtori i AVA-s shpjegon se si do te funksionoje korrigjimi per provimet e sivjetme.

Me zhvillim

Sipas drejtorit te AVA-s, Edmond Lulja, testi ka kerkesat, dhe bashkengjitur eshte edhe numri i pikeve i shenuar. "Pyetjet me alternativa do te vleresohen me nga nje pike, ndersa per ato me zhvillim eshte shtuar sasia e pikeve", tregon Lulja, duke u shprehur se ato do te jene me te veshtira per t'u zgjidhur sesa thjesht te qarkosh nje alternative. Megjithate, vleresimi i nje pyetjeje me zhvillim nuk do te jete strikt. Pra, nese maturanti nuk ka arritur qe ta zhvilloje ne masen 100 per qind pyetjen me zhvillim, pergjigja qe ai ka dhene nuk i hidhet poshte teresisht. Ne kete menyre, drejtori i AVA-s, Edmond Lulja shpjegon se kandidati do te vleresohet per aq pike sa eshte pergjigjur, duke bere zbritje nga piket maksimale per nje pergjigje me zhvillim.

Vleresuesit

"Gjetja e konkluzionit se sa pike vlen ne te vertete pergjigjja e cunguar qe ka dhene maturanti mund te jete paksa relative, ndaj ne do te angazhojme nga dy vleresues per cdo test. Pra, dy vleresuesit konsultohen me njeri-tjetrin per pyetjet me zhvillim", tregon specialisti Lulja, duke shtuar se nuk eshte nevoja qe te ndodhe nje gje e tille per pyetjet me alternativa, pasi pergjigjet jane fikse. Sipas tij, ne vendin bosh ku shenohen piket, vihet vleresimi i perbashket, se deri ku ka arritur maturanti me pergjigjen e pjesshme qe ka dhene. Me pas, te dy vleresuesit, piket i hedhin te tabelat permbledhese. Mesohet se ka filluar "rekrutimi" i korrigjuesve per here te pare, sepse pyetjet do te korrigjohen nga persona fizike dhe jo nga metodat kompjuterike. Keshtu, numri i korrigjuesve varet nga fakti se cila lende eshte zgjedhur me shume nga maturantet, e cila si rrjedhoje do te kete me shume nevoje per me shume korrigjues. Ministria e Arsimit po mbledh aktualisht mesuesit me te mire dhe qe kane shume eksperience pune, ne menyre qe vleresimi te jete sa me objektiv. Pervec pyetjeve me zhvillim, nevoje te vecante per korrigjues fizike do te kete edhe pjesa qe i perket esese. Kjo, sepse vete eseja nenkupton krijim te maturantit.

Eseja, vleresim me etapa

Eseja nuk do te jete shkaterrimtare per maturantet. Ata qe nuk dine te krijojne nje fabul per t'u pasur zili, mund te kene nje stil te vecante te shkruar, mund te kene fjalor te pasur, apo nje veti tjeter qe nga ana gjuhesore vleresohet. Sipas drejtorit te AVA-s, Edmond Lulja, eseja do te vleresohet ne baze te ketyre tipareve, pra duke u bazuar ne disa etapa si: permbajtja, gjuha e shkruar, stili, fjalori etj. Pra, per secilen nga keto etapa, eshte i precizuar vleresimi. Gjate vitit te kaluar, maturantet rezultuan mjaft dobet ne ese, cka detyroi specialistet te nxirrnin libra pikerisht per ta mesuar ate.

Sociologjia, me e zgjedhura

Deri tani, lenda e sociologjise eshte me e zgjedhura nga kandidatet qe duan te vazhdojne shkollen e larte. Rreth 22 mije e kane zgjedhur sociologjine si lenden e pare me zgjedhje. Pas kesaj, si me e preferuar vjen filozofia, te cilen e kane zgjedhur rreth 11 mije vete. Te dhenat paraprake na bejne qe te parashikojme kerkesa te jashtezakonshme te maturanteve per degen e Juridikut, pasi keto jane lendet me koeficient me te larte dhe "ura" e sigurt drejt Juridikut. Edhe gjate vitit te kaluar, rreth 22 mije maturante kane zgjedhur qe te vazhdojne studimet ne Fakultetin e Drejtesise, duke shtuar konkurrencen.

Provimet, 180 pike gjithsej

Qe nje maturant te marre pike maksimale ne provimet e Matures Shteterore duhet te marre 180 pike. Nga keto, 100 duhet t'i marrin ne provimet me detyrim dhe 80 te tjera ne dy provimet me zgjedhje. Testi i provimeve te Matures Shteterore per Matematiken dhe Letersine do te kene secili nga 25 pyetje. Nga totali i pyetjeve qe do t'u vihen ne dispozicion maturanteve, 13 prej tyre do te jene me alternativa. Per provimet me zgjedhje eshte parashikuar nje skeme tjeter vleresimi. Nga 25 pyetje qe ka pasur cdo vit nje test, sivjet do te kete 20 pyetje per cdo provim Z1 dhe Z2. Nga keto, 10 pyetje do te jene me pergjigje alternative.

Shpallja e rezultateve, rrezikohen vonesa

Megjithese drejtori i Agjencise Qendrore te Vleresimit te Arritjeve, premton se po "rekrutohen" mesuesit me profesioniste per korrigjimin e provimeve, ekziston risku per vonesa ne shpalljen e rezultateve. Rregullorja e Matures Shteterore e sivjetme parashikon nxjerrjen e rezultateve brenda dy javesh nga dita qe eshte zhvilluar cdonjeri prej provimeve. E njejta kohe ne dispozicion ishte edhe per vitin e kaluar, e megjithate rezultatet u shpallen me disa dite vonese, gje qe coi ne shkeljen e rregullores se Matures. Ndersa sivjet pritet qe vonesat te jene akoma me te medha, per shkak se korrigjimi nuk behet me nepermjet lexuesit optik, procedure mjaft e thjeshte kjo, por ne menyre fizike, nje per nje, e pyetje per pyetje. Drejtori i AVA-s premton se gjithcka do te ndodhe ne kohen e duhur, ashtu si edhe ka ndodhur deri tani, ku gjithcka eshte kryer me avance. Sipas tij, korrigjuesit do te zgjidhen sipas specialitetit te lendes. Per shembull, mesuesit e sociologjise do te korrigjojne provimet e sociologjise. Nga ana tjeter do te "punesohen" aq vleresues sa eshte nevoja, sipas numrit te maturanteve qe kane zgjedhur x lende. Ne kete menyre, sipas specialistit Lulja nuk pritet te kete vonesa. Megjithate ende nuk dihet dhe eshte heret per te folur, pasi deri tani nuk i ka ardhur koha asnjerit prej provimeve te Matures.