"Apollon 2008", cel siparin edicioni i 7-te
E Hene, 12 Maj 2008
Per te shtatin vit radhazi, nje jave do t'i kushtohet teatrit ne qytetin e Fierit. Festivali Mbarkombetar i Aktrimit "Apollon '08" ngre siparin sot ne mbremje. Tete trupa do te ngjiten per konkurrim ne skenen e teatrit "Bylis". Trupa vendase, me shfaqjen "Fqinjet" te Rruzhdi Pulahes dhe regji te Dhimiter Orgockes do te jete ajo qe do te cele festivalin. Ndersa ne netet ne vazhdim, per publikun fierak dhe te ftuarit nga cdo kend i Shqiperise do te prezantohen teatri "Petro Marko" i Vlores me shfaqjen "Jo te gjithe vijne per te vjedhur" nga Dario Fo me regji te Donald Hasanit per te vijuar me Durresin. Teatri Kombetar perfaqesohet me "Pamje Nga Ura" por do te jene edhe "Sherbetoret" e Kico Londos. Per te paren here do te jene edhe dy trupa te huaja, greke dhe italiane si shfaqje pershendetese te festivalit. Teatri profesionist i Pejes perfaqesohet me dramaturgun e njohur kosovar Ekrem Kryeziu. Sipas drejtorit te festivalit, Klajdi Marku, krahas shfaqjeve ne konkurrim, nje tjeter veper pershendetese, "Madeamaterial" e H. Myller vjen nga Sardenja. Teatri "Bylis" nuk do te jete skena e vetme ku do te performohet. Rostika Kala dhe Apollonia jane dy destinacione te tjera qe do te mirepresin aktoret dhe publikun, nje nderthurje mes artit dhe tradites se qytetit te Fierit. Sipas Markut, edhe sivjet, gjate diteve te festivalit do te organizohen takime dhe diskutime mbi shfaqjet konkurruese, por dhe per probleme te teatrit ne pergjithesi. Trupat pjesemarrese jane perzgjedhur nga bordi i festivalit dhe Enver Petrovci, ndersa nje juri e perbere nga emra te njohur te teatrit do te percaktoje edhe fituesit. Tinka Kurti, Niko Kanxheri dhe Bujar Asqeriu do te ndajne cmimet e pervitshme te ketij festivali aktrimi.
Cmimet
Festivali do te nderoje me cmimin e pare aktorin dhe aktoren me te mire protagonist, cmimin aktorin dhe aktoren jo protagonist, dhe nje cmim do te shkoje per debutantin ose debutanten e festivalit. Nje tjeter cmim i pervitshem, i dhene nga bordi, eshte ai i karrieres qe shkon per nje aktor ose aktore qe ka dhene kontribut te madh ne skenen teatrore shqiptare.
