"Duam ndihme greke", "denohet" Himara
E Hene, 12 Maj 2008
Nje tjeter sondazh i faqes zyrtare te "Koha Jone", ishte dhe ai lidhur me kerkesen para disa diteve te nje pjese te banoreve te Himares, ndaj pales greke, per te ndihmuar ne problemet e tyre te pronesise ne Shqiperi. Shume njerez konsideruan te papranueshem dhe "te denueshem" moralisht, faktin se ne nje takim qe kryetari i Bashkise se Korfuzit zhvilloi ne Himare me banore dhe drejtues vendore te zones jugore, zyrtarit grek iu kerkua qe te ndihmoje ne zgjidhjen e ceshtjeve te pronesise qe keta banore kane ne vendbanimet e tyre, duke ndikuar tek autoritetet shqiptare.
Ne votim moren pjese mbi 300 lexues. Duke iu pergjigjur pyetjes "Si e konsideroni kerkesen e banoreve te Himares ndaj zyrtareve greke", 225 prej lexuesve e vleresuan si "te papranueshme". ndersa 42 te tjere dhane cilesimin "paradoksale". Sakaq, 33 pjesemarres ne sondazh e konsideruan si "normale" kete kerkese dhe kater te tjere, "frytdhenese".
