Serbia mbyll "referendumin"
E Hene, 12 Maj 2008
Zgjedhjet e pergjithshme dhe ato vendore te Serbise, perfunduan dje ne mbremje ne 8.00, me voten e 59 per qind te afro 6.9 milione votuesve, sipas rezultateve jozyrtare, ne favor te proevropianeve. Pjesemarrja rezultoi afro tete per qind me e ulet se ajo ne zgjedhjet e vitit 2007 ku u regjistrua shifra 67 per qind. Qendra e pavarur "Cesid" ne Beograd, tha mbreme se rezultatet e para nxjerrin fitues koalicionin politik te kryesuar nga presidenti aktual, Boris Tadic, i njohur per frymen proevropiane. Sakaq, radikalet dhe nacionalistet e kryeministrit ne ikje Vojisllav Koshtunica dhe radikalet e Tomislav Nikolicit, pretendojne se kane kapur shifra qe i bejne optimiste te besojne se jane ata, fitues te procesit te djeshem zgjedhor. Duke qene se politika ne Serbi, eshte e ndare ne dy fronte - Partia nacionaliste Radikale dhe Partia Demokratike pro Perendimit, palet kishin deklaruar se do te perpiqen te bejne per vete partite e vogla per te formuar nje koalicion.
SHIFRAT
Te konsideruara si referendum pro ose kunder integrimit te Serbise ne BE, keto zgjedhje u cilesuan me te rendesishmet per te ardhmen e vendit qe pas renies se regjimit autoritar te Sllobodan Milloshevicit para tete vjetesh. Ne zgjedhje u thirren per te votuar, gjashte milione e 695 mije zgjedhes me te drejte vote. Nder ta, afro 58 per qind, moren pjese ne votim. Shifrat u dhane nga Qendra per zgjedhje te lira dhe demokratike, nje organizem i pavarur qe mbikeqyr zgjedhjet ne Serbi.
Sipas saj, sondazhet (exit-poll), nxjerrin ne krye Koalicionin pro-perendimor, te udhehequr nga Presidenti Boris Tadic, me afro 39 per qind. Ajo ndiqet nga Partia Radikale ultra-nacionaliste serbe, e drejtuar nga Tomislav Nikolic, me rreth 29 per qind te votave. Grupi populist, i kryesuar nga Kryeministri ne ikje, Vojisllav Koshtunica, besohet se ndodhet ne vendin e trete me rreth 12 per qind.
VLERESIMET
Analistet u shprehen dje ne komentet e tyre ne mediat kryesore nderkombetare, se "serbet u thirren te tregojne nese "joshja" e ofruar nga Bashkimin Evropian per anetaresim ne bllok ishte me e rendesishme se zemerimi lidhur me shkeputjen e Kosoves se mbeshtetur nga perendimi". "Meqenese duket se asnjera parti nuk do te mund te fitoje shumicen absolute, pritet qe Koshtunica te luaje nje rol te rendesishem ne formimin e qeverise se re", vleresojne analistet nderkombetare.
