Eksploziv ne piceri, dyshohet konkurrenca

Nje sasi lende plasese shpertheu ne oret e para te mengjesit ne nje lokal ne qytetin e Elbasnit. Shperthimi i fuqishem ka tronditur banoret e lagjes "Emin Matraxhiu" e njohur edhe si lagja e kinezeve. Persona ende te paidentifikuar nga policia kane vendosur eksploziv ne picerine "Jurevi" ne pronesi te Thanas Ndria. Deme ne njerez nuk ka patur, por demet materiale kane qene te konsiderueshme. Sipas banoreve te lagjes, shperthimi u degjua rreth ores 04.00 te mengjesit. Vec zhurmes, eksplozioni ka shkaktuar tronditje te forte ne shtepite dhe pallatet perreth duke zgjuar te trembur nga gjumi qindra persona. Autoret duket se kane paramenduar kete orar per te mos rene ne sy dhe per te mos shkaktuar demtime ne njerez. Ne vendngjarja ka arritur policia e cila ka rrethuar zonen perreth. Uniformat blu jane vene ne kerkim te autoreve, por nuk kane mundur te bjere ne gjurmet e tyre. Me pas kane arritur ekspertet dhe nje grup hetimor. Demi llogaritet ne disa milion leke pasi eksplozivi ka shkaterruar plotesisht qepenat, xhamat, tavolinat dhe gjithe pajisjet brenda ne lokal. Demtime kane pesuar edhe disa lokale ne afersi te picerise si dhe apartamentet e pallatit ku ndodhet lokali. Per percaktimin e llojit te eksplozivit kane arritur ekspertet nga Tirana, te cilet kane kryer veprimet perkatese duke administruar provat e gjetura ne vendngjarje. Sipas te dhenave te para dyshohet se ne hyrje te lokalit eshte vendosur nje kallep dinamiti ose tritoli. Policia gjyqesore ka marre ne pyetje pronarin e lokalit Thanas Ndria dhe disa persona te tjere. Ndria ka deklaruar se nuk dyshon tek ndonje person, pasi personalisht dhe familja nuk kane patur konflikte me persona te tjere. Mendohet se kallepi i eksplozivit eshte hedhur nga nje automjet. Ai eshte aktivizuar me ane te nje fitili relativisht te gjate per t'u dhene mundesi keqberesve qe te largohen nga vendi i ngjarjes. Hetimet jane perqendruar ne pisten e hakmarrjes per shkak te konkurrences, por burime hetimore bene te ditur se po hetohet edhe ne pista te tjera.

F.S.