Joanidhi dhe Beja zevendesministrat e rinj te PDK-se
E Hene, 12 Maj 2008
Ne mesin e kesaj jave kryetari i PDK-se, Nard Ndoka pritet ti kerkoj kryeministrit Berisha shkarkimin e Anton Gurakuqit dhe Zef Bushatit nga postet qe mbajne si zevendesministra ne kabinet. Burimet per " Koha Jone", bejne te ditur se do jene emrat e dy nenkryetareve te Partise Demokristiane, Aida Joanidhit dhe Vladimir Bejes ata qe do te zevendesojne Gurakuqin dhe Bushatin.
Ne nje prononcim per shtyp diten e djeshme vete kreu i PDK-se, Nard Ndoka theksoi se javen e ardhshme do te kem nje takim me Kryeministrin Sali Berisha, ku do te kerkoj zevendesimin e zv.ministrave Bushati dhe Gurakuqi, me dy emra te tjere, perfaqesues te PDK-se. Sipas Ndokes, emrat do te perzgjidhen duhet te plotesojne kriterin profesional dhe te kene nje kontribut te cmuar ne parti.
"Do te kene nje performance profesionale qe te mos bejme ato gabime, duke caktuar dy perfaqesues jo te denje, jo vetem ne aspektin profesional, por dhe ne performancat e tyre", deklaroi Ndoka ne nje prononcim per mediat. Por nga ana tjeter kreu i PDK-se, Ndoka i ka bere thirrje edhe kundershtareve te tij, si Gurakuqit ashtu edhe Bushatit qe te rikthehen perseri ne Partine Demokristine dhe mos te perdoren me per te percare partine nga perfaqesues te partive te tjera politike. Kreu i PDK-se, Ndoka e ka quajtur nje farse te vertete kongresin e Jashtezakonshem demokristian te zhvilluar ne 6 Maj, ku u zgjodh si kryetar i kesaj Anton Gurakuqi.
F.Mejdini
