PD rikthim te nisma per heqjen e imunitetit te zyrtareve
E Hene, 12 Maj 2008
Partia Demokratike pritet te riktheje per diskutim ne Kuvend edhe ligjin per kufizimin e imunitetit te deputeteve. Burime bejne te ditur se ne mbledhjen e sotme te grupit parlamentare te PD-se, pritet te diskutohet edhe nisma e mazhorances per kufizimin e plote te imunitetit per deputetet dhe zyrtaret e tjere te larte. Sot pritet qe edhe zyrtarisht PD t'ia paraqese per shqyrtim kete nisme edhe deputeteve te PS-se ne komisionet parlamentare, duke qene se javen e kaluar dy lideret e dy partive me te medha ne vend u shprehen pro nismen per kufizimin e plote te imunitetet. Ne konferencen e zhvilluar me rastin e dy vjetorit te nenshkrimit te MSA-se mes Shqiperise dhe Bashkimit Evropian, si kreu i PD-se, Berisha dhe ai i PS-se, Rama shprehen nevojen e kufizimit te imuniteteve. Sipas dy drejtuesve te partive me te medha ne vend, kufizimi i imunitetit te zyrtareve do ti jap nje shtyse te re luftes kunder korrupsionit dhe per pasoje frymes se perbashket te reformave qe ka nisur mes dy partive te medha. Deputeti i Partise Demokratike, Ferndinat Xhaferri deklaroi dje se vleresonte thirrjen e kreut te PS-se, Rama per kufizimin e imuniteteve. Sipas Xhaferrit, kjo nisme do te ndikoj dukshem te qytetaret dhe te perceptimi i tyre per korrupsionin. "Korrupsioni ngelet ende nje problem dhe ne kete kontekst vlen per t'u vleresuar deklarata e opozites ne mbeshtetje ndaj nismes per heqjen e imunitetit, si nje mase qe do te ndikoje ne renien e perceptimit te korrupsionit tek qytetaret", deklaroi dje Xhaferri. Po keshtu kjo nisme mbeshtetet edhe nga aleatet e PD-se ne qeverisje.
F.Mejdini
