Asfiksohet Tirana, 5 kulla te reja

Tirana sot eshte ne qender te kritikave per shkak te hapesirave te pakta, e megjithate, hapesirat aktuale do te jene te lakmueshme pak vite me vone, kur ne zemer te saj do te ndertohen 5 kulla mbi 25 kateshe. Plani francez per kryeqytetin parashikon qe, pervec ndertesave qe do te ngrihen ne qender te Tiranes, te ngrihen edhe 5 te tjera, te cilat do t'i zene frymen edhe atyre pak hapesirave qe qytetaret kane ne dispozicion.

Kullat

Dy kullat "binjake" pak vite me pare u cilesuan nga arkitekti i mirenjohur Maks Velo, si thike pas shpine ndaj kryeqytetit. Ato sot u harruan, por gjate ne vemendjen e shqiptareve do te mbeten ndertesat e reja te cilat do te jene me te larta se cdo objekt qe eshte ndertuar ndonjehere ne Tirane. Disa specialiste kane deklaruar se nga pikepamja arkitektonike, Tirana nuk mund te pranoje aq shume ndertesa shumekateshe, e megjithate gjithcka ka nisur. Njera prej 5 kullave madheshtore ka muaj qe ka filluar te ndertohet. Behet fjale per ndertesen 85 metra te larte prane selise se Partise Demokratike. Arkitektet jane ata te firmes belge 51N4E, te cilat fituan edhe projektin per shnderrimin e qendres se Tiranes. Gjithashtu, nje kulle tjeter, 25 kateshe, pritet te ndertohet prane Albtelekomit. Kulla e trete pritet qe te zere vend ne vendin e quajtur Gropa e Hajdin Sejdise. Ndersa dy te tjerat pritte e te ndertohen prane Dhomes se Tregtise deh Industrise dhe prane Piaces. Keto kulla formojne nje linje imagjinare e cila duhet te ndiqet ne menyre te perpikte; gjithashtu lartesia maksimale prej 85 metrash dhe pozicionimi i tyre duhet te jete si ai i treguar ne studim.

Plani francez

Ne planin e ri urbanistik te kryeqytetit, kompania franceze "Architecture-Studio" dhe Bashkia e Tiranes kane projektuar planin qe tani njihet me emrin "plani francez". Sipas ketij plani, ne vend te gropave e rrugeve te ngarkuara do te kete qendra biznesi dhe shetitore te mbushura me dyqane mode e kafene te vogla. Bulevardi "Deshmoret e Kombit" do te rrethohet nga shatervane qe do krijojne pasqyra uji. Stacioni i Trenit do kthehet ne nje qender te madhe biznesi. Do shtohen siperfaqet e gjelbra ne gjithe kete hark. Studimi nuk parashikon dendesimin me objekte, por ruan nje ekuiliber te volumetrise, duke mbrojtur kete pjese te rendesishme te zones qendrore te qytetit. Pjesa e trete e ketij projekti do te jete sheshi i universitetit, i cili do te pastrohet nga shatervani i vjeter. Ai do te zevendesohet nga nje platforme e ngritur mbi nivelin e rruges, e cila do te permbaje nje shatervan te ri ne formen e drejtkendeshit, me i ceket dhe me i paster.

Nis studimi sizmologjik per Planin Francez

Sizmologet kane hartuar tashme studimin sizmologjik, me qellim shmangien e ndonje katastrofe natyrore qe mund te shkaktohet ne 5 kullat shumekateshe, si pasoje e ndonje lekundjeje te tokes. Ky studim i domosdoshem per zhvillimet dhe per vete ritmet me te cilat po zhvillohet kryeqyteti eshte bere nga Instituti i Sizmologjise ne Akademine e Shkencave, me kerkese te Bashkise se Tiranes. Ne te kane marre pjese si autore, autoritete te njohura te kesaj fushe te cilet jane Prof. Dr. Shyqyri Aliaj, Prof. Asoc. Dr. Llambro Duni, Prof. Dr. Neki Cuca, As. K. Anuela Collaku. Sipas studimit, qysh prej vitit 1988, kur eshte realizuar studimi i mikrozonimit sizmik te qytetit te Tiranes, konceptet mbi rrezikun sizmik dhe menyrat e paraqitjes se tij kane ndryshuar shume. Ne keto perfundime thuhet se studimi eshte i vlefshem per objekte te zakonshme deri ne 8 kate. Per objektet e tjera duhen kryer studime te posacme te rrezikut sizmik, ne perputhje me kerkesat e ligjit te Urbanistikes.