Qendrat e votimit, 10% ne funksion te invalideve
E Shtune, 10 Maj 2008
Invalidet nuk mund te votojne jo per shkak te aftesive te tyre te kufizuara, por per vete faktin se ambientet ku ndertohen qendrat e votimit nuk kane kushte te pershtatshme per ta. Keshtu, ne nje raport vjetor te Ministrise se Punes, per personat me aftesi te kufizuara theksohet se pothuajse ne te gjitha institucionet shteterore, por edhe ne ato private nuk ka asnje rampe apo element te nevojshem per levizjen e personave me aftesi te kufizuara. "Pershtatshmeria ne qendrat e votimit eshte pergjegjesi e Komisionit Qendror te Zgjedhjeve. Bazuar ne raportimet e fundit, nga 4721 qendra votimi ne zgjedhjet e fundit, rreth 10 per qind e tyre kane qene ne shkolla ose kopshte te pershtatura, rreth 75 per qind e tyre kane qene ne kate te para dhe vetem 30 per qind e tyre, kane pasur dhome sekrete te pershtatur", ka pohuar Anna Xheka, drejtoreshe e Drejtorise se Politikave te Shanseve te Barabarta. Sipas saj, e njejta situate eshte edhe ne banesat e reja. Sipas raportit, vetem ne 6 banesa te reja me 224 apartamente qe po ndertohen nga Enti Kombetar i Banesave ne qytetet Korce, Elbasan, Durres, Shkoder dhe Kavaje, jane respektuar elementet e nevojshem arkitektonike, si panduse dhe ashensore, te cilet lehtesojne levizjen e personave me aftesi te kufizuara. Por, ajo qe mbetet me shqetesuese, sipas ketij raporti, eshte mosmarrja e masave te tilla ne institucionet shendetesore. "Ministria e Shendetesise deri me sot nuk ka pasur asnje mjedis apo rampe per ecjen e personave me aftesi te kufizuara. E tille eshte edhe gjendja ne nje pjese te mire te spitaleve, perjashto ato te ndertuara gjate viteve te fundit", thuhet ne kete raport. Nderkohe, nga bashkia e Tiranes jane marre per vendosjen e elementeve te pershtatshmerise ne ambientet publike. Nje pjese e mire e trotuareve kane elemente te pershtatur. "Bashkia e Tiranes ka krijuar lehtesira per femijet me aftesi te kufizuar ne kopshte dhe shkolla ne baze te rregullave te urbanistikes. Ndertimi i 7 shkollave te reja dhe rikonstruksioni i 12 shkollave eshte bere me mjedise te pershtatshme per femijet me aftesi te kufizuar ne oborret e shkollave, shkalle, klasa dhe banje", thuhet ne raport. Por ka edhe nga ato qytete sic eshte Vlora qe per vitin e kaluar nuk ka pasur asnje fond per ndertimin e hapesirave dhe elementeve qe u vijne ne ndihme personave me aftesi te kufizuar.
